Муҳоҷирати мавсимии меҳнатӣ бойис гардид, ки арзиши доллари амрикоӣ дар Тоҷикистон боз ҳам боло равад.
Бино ба иттилои Бонки Миллии Тоҷикистон имрӯз қурби асъори амрикоӣ дар шаҳри Душанбе дар нуқтаҳои мубодилаи асъор ба 4,5540-4,5740 сомонӣ баробар шуда, тайи чанд рӯзи охир ин раванд дар шаҳри Хуҷанд ва дигар минтақаҳои ҷумҳурӣ тамоюли баландшавиро дошт ва ба ҳисоби миёна 1 доллари ИМА ба 4,5460-4,5590 сомонӣ, 1 рубли русӣ ба 0,1651-0,1669 сомонӣ ва 1 евро ба 6,7050-6,7250 сомонӣ хариду фурӯш мешуданд.
Баландшавии қурби евро ва рубли русӣ асосан зери таъсири таносуби қурби онҳо нисбати доллари ИМА дар бозорҳои ҷаҳонӣ сурат гирифт. Қурби доллари ИМА бештар аз ҳисоби фаъол шудани амалиёти иқтисоди хориҷӣ, бо назардошти барзиёдии ҳаҷми воридоти маҳсулот ба кишвар нисбат ба содирот, аз ҷумла бо фишори иловагии ҳамасолаи мавсимӣ, ки ба раванди нисбатан бештари ҳиҷрати муҳоҷирони меҳнатӣ вобастааст, тағйир ёфт.
Мӯҳр