Русский  >>  فارسی  >>  Чоршанбе 7 декабр 2016, 19:22

Таъхири додгоҳ дар баррасии парвандаи Искандари Фирӯз

12 декабр 2012, 11:34

Мурофиаи додгоҳии парвандаи марбут ба садамаи журналист, ки бояд имрӯз баргузор мешуд, ба таъхир афтод.

Парвонаи Фирӯз, хоҳари Икандари Фирӯз дар сӯҳбат ба Озодагон гуфт, ба онҳо Исмоил Давлатов, қозии ин қазия дар додгоҳи ноҳияи Сино дар мавриди баргузор нашудани муҳокимаи додгоҳӣ чизе нагуфтааст. Ба қавли ӯ: «Дар ҳоле, ки қаблан модарам тамос гирифта буданд ва худи хамин додрас зимни сӯҳбати телефонӣ даъват карда буданд, ки рӯзи чоршанбе ҳозир шавед, ки мурофиаи додгоҳӣ баргузор мешавад.Мо имрӯз омодагӣ дидем, вале вакили мудофеъи бародарам занг зада гуфт, ки ман ҳозир дар додгоҳ ҳастаму худи раисикунандаи ин қазия нест ва котибаи ӯ гуфтааст, ки судя ба кадом як семинар рафтааст».

Ҳамзамон, Наталя Набиевна, яке аз вакилони мудофеъи Искандари Фирӯз низ ин далелро таъид карда афзуд: «Ҳоло ба мо ҳам маълум нест, ки мурофиа кай оғоз мешавад».

Ёдрас менамоем, Искандари Фирӯз, хабарнигори Бӣ-бӣ-Сӣ дар пайи садамаи нақлиётӣ шаби 9-уми октябри соли равон дар ҳолати беҳушӣ ба бемористони Қарияи Боло интиқол дода шуда буд.Пас аз чанд муддат барои муолиҷа ва идомаи табобат журналистро ба касалхонаи Ибни Сино интиқол доданд ва ӯ то ин замон дар он ҷо бистарист.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!