Русский  >>  فارسی  >>  Якшанбе 4 декабр 2016, 23:26

Баррасии муҳоҷирати меҳнатӣ дар Турсунзода

13 декабр 2012, 03:58

Гурӯҳи кории Хадамоти муҳоҷирати Тоҷикистон ҷиҳати корҳои фаҳмондадиҳӣ ва иттилоотонӣ дар самти муҳоҷирати меҳнатӣ ба нохияи Турсунзода   сафар намуда, бо бошандагони ин ноҳия мулоқотро оғоз намуданд.

Абдуллоҳ Қодирӣ, сухангӯи ин хадамот ба Озодагон иттилоъ дод, ки ин вохӯрӣ давоми ду рӯз, то 14 –уми декабр идома ёфта, дар назар аст зимни он масоили шиносоӣ бо вазъи муҳоҷирони меҳнатии тоҷик дар хориҷи кишвар, пешгирии муҳоҷирати ғайриқонунӣ, баҳисобгирии муҳоҷирон, ҳамкорӣ бо ҷамъияти муҳоҷирон ва саҳми онҳо дар рушди ноҳияҳо, масъалаи депортатсия баррасӣ гардад.

Номбурда иброз дошт, ки дар ҷараёни ин сафар масъулини хадамот на танҳо бо фаъолону раисони ҷамоатаҳои ин ноҳия, балки бо мардуми одӣ, муҳоҷирони тозабарагашта мулоқот намуда, фикру андеша ва пешниҳодҳои онҳоро шунида, матраҳ хоҳанд кард.

Гуфта мешавад, назорати фаъолияти муҳоҷирони меҳнатии хориҷа дар Тоҷикистон, сатҳи забондонии муҳоҷирони меҳнатӣ, касбомӯзӣ, одобу русум, таърих ва фарҳанги кишварҳои қабулкунанда ва дигар масъалаҳое, ки ба мавзӯи муҳоҷирати меҳнатӣ марбутанд, аз сӯи кормандони хадамот дар ноҳияи Турсунзода мавриди муҳокима ва гуфтугӯ қарор мегиранд.

Манбаъ мегӯяд, миёни масъулини хадамот ва бошандагони ноҳия саволу ҷавоб дар мавриди касбомӯзӣ ва омӯзиши забонҳои хориҷӣ, ичозати кор, тарзи гирифтани патент, назорати дақиқи тамоми сохторҳо ҳангоми сафари ноболиғон ба хориҷи кишвар дар фурӯдгоҳҳо, роҳи оҳан ва гузаргоҳҳои сарҳадӣ сурат мегирад. Бояд зикр намуд, Хадамоти муҳоҷират дар чанд ҳафтаи ахир бо сокинони навоҳии мухталиф, аз қабили Варзоб, Шаҳринав, Рӯдакӣ, Ҳисор, Ашт ва Спитамен дидору мулоқотҳо намуда буданд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!