Русский  >>  فارسی  >>  Ҷумъа 2 декабр 2016, 22:58

Cарвазири Британия ғояи қонунигардонии маводи нашъадорро рад кард

13 декабр 2012, 05:01

Сарвазири Британияи Кабир Дэвид Кэмерон рӯзи душанбе қисман қонунигардонии маводи мухаддир дар мамлакаташро,ки аз ҷониби кумитаи умури дохилаи парламон пешниҳод шуда буд, рад кард.


Чанде пеш ин кумитаи парламонӣ маърӯзаеро интишор дод, ки тибқи он ба ҳукумат пешниҳод мешуд дар равиши мубориза бо маводи мухаддир таҷдиди назар кунад. Муаллифон пешниҳод карданд, ки як комиссияи солоҳиятноки Шоҳигарӣ созмон дода шавад, то дар мавриди аз нав дида баромадани қонунгузории ин соҳа чораҷӯӣ кунад.

Тавре сомонаи Агентии назорати маводи нашъаовари ҷумҳурӣ менависад, ба андешаи узви кумитаи парламон ҳукумати Британия бояд доштани меъёри муайяни маводи мухаддир, ҳамчунин мухаддироти пуртаъсире аз қабили героин ва кокаинро қонунӣ кунад. Дар ин маврид онҳо ба таҷрибаи кишварҳое чун Португалия ва Уругвай такя мекарданд, ки роҳи қисман қонунигардонии маводи нашъадорро интихоб карда буданд.

«Ман қоунунигардонии истеъмоли мухаддиротро қабул надорам. Сёсате, ки мо дар Британия Кабир пеш мебарем, натиҷаҳои худро медиҳад. Истеъмоли маводи нашъадор дар кишвар коҳиш меёбад», - изҳор дошт Дэвид Кэмерон дар Кембриҷ.

«Комилан дуруст мебуд агар мо ба табобат таваҷҷуҳ мекардем, бояд ба ин роҳ идома диҳем, то ки вазъро тағйир диҳем. Мо бояд сади роҳ шавем, ки маводи мухаддир ба зиндонҳо роҳ наёбад. Ин аст роҳе, ки ҳукумат интихоб кардааст ва ман фикр мекунам бояд ҳамин гуна пеш равем, на ки Комиссияи Шоҳигарӣ созмон диҳем, ки кори он муддати тӯлонӣ идома хоҳад кард», - гуфт сарвазири Британияи Кабир дар хотимаи суҳбаташ.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!