Русский  >>  فارسی  >>  Душанбе 5 декабр 2016, 23:34

90% дастгоҳҳои техникии НБО-ҳои Тоҷикистон дар Украина сохта шудаанд

14 декабр 2012, 12:05

Шукурҷон Зуҳуров, райиси палатаи поёнии парлумони кишвар, Сафири фавқулодда ва мухтори Ҷумҳурии Украина дар Тоҷикистон Виктор Никитюкро ба ҳузур пазируфт.

Тавре ба Озодагон аз дафтари матбуотии МН кишвар хабар доданд, дар ҷараёни мулоқот роҷеъ ба таҳкими ҳамкориҳои байнипарлумонӣ миёни Маҷлиси намояндагон ва Радаи Олии Украина, густариши муносибот дар бахшҳои иқтисод, тиҷорат, кишоварзӣ, энргетика, саноат ва сохтмон, варзишу туризм, башардӯстона ва фарҳанг изҳори назар карда шуд.

«Ҳамкориҳои байнипарлумонии мо танҳо дар доираи Ассамблеяи Байнипарлумонии Иттиҳоди Давлатҳои Мустақил ва дигар созмонҳои байналмилалии парлумонӣ, ки ҳарду кишвар аъзои онҳо ҳастанд, маҳдуд шудааст»,- гуфт Шукурҷон Зуҳуров ва илова намуд, ки муносиботи мо бояд дар сатҳи дуҷониба бештар ривоҷу равнақ ёбанд, зеро омӯзиш ва истифода аз таҷрибаи қонунофарии парлумонҳои ҳамдигар метавонанд ба рушди ҳамкориҳои байнипарлумонии ҷумҳуриҳои мо кӯмак кунанд.

Раиси Маҷлиси намояндагон аз сатҳи ҳамкориҳои тиҷоратии Душанбе ва Киев изҳори қаноатмандӣ намуда, зикр кард, ки мубодилаи тиҷоратии Тоҷикистону Украина тайи солҳои охир раванди рӯ ба рушдро касб намудааст, аз ҷумла ҳаҷми мубодилоти молу маҳсулот миёни Тоҷикистону Украина дар соли 2010 ба 200 миллион доллари амрикоӣ баробар шуд, ки ин нисбат ба соли 2009 ба миқдори 65% зиёд аст. Ҳамкорӣ дар соҳаи энергетика, ҳанӯз ҳам аз самтҳои афзалиятноки ҳамкории иқтисодии ду кишвар ба шумор меравад, зеро 90% дастгоҳҳои техникии нерӯгоҳҳои обии Тоҷикистон дар Украина сохта шудаанд.

Дар ҷараёни мулоқот, ҳамчунин оид ба ҷалби сармоягузорони Украина ба иқтисодиёти Тоҷикистон, бунёди корхонаҳои муштараки саноатӣ, аз ҷумла доир ба таҷҳизоти гуногуни барқӣ, истихроҷ ва коркарди захираҳои табиӣ ва маҳсулоти кишоварзӣ изҳори назар карда шуд.

Виктор Никитюк ҳамчунин таъкид кард, ки соли 2013 дар шаҳри Душанбе нишасти навбатии Комиссияи байниҳукуматии Тоҷикистон ва Украина, рӯзҳои фарҳанги Украина дар Тоҷикистон баргузор шуда, ҳамчунин ифтитоҳи маркази савдои ин кишвар дар шаҳри Душанбе дар назар дошта шудааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!