Оғози мурофиаи судии директори “Заря Востока”

Суди шаҳри Табошар баррасии парвандаи собиқ роҳбари ин корхона (“Заря Востока”)- ро оғоз намуд. Тавре ба Озодагон раиси мурофиаи мазкур, судяи шаҳри Истиқлол (собиқ Табошар) Умедҷони Раҳматҷонӣ хабар дод, айни замон бинобар сабаби аз ҷониби суд таъин шудани ташхиси маҷмӯавии муҳосибӣ дар Вазорати адлияи ҶТ, баррасии парванда муваққатан боздошта шудааст: «Пас аз дастрас кардани хулосаи ташхис баррасии парванда идома хоҳад ёфт»

-Директори пешини генералии корхонаи «Заря Востока» Абдураҳим Расулов дар содир намудани ҷиноятҳои пешбинишуда мутобиқи моддаҳои 245, қ. 4 (азонихудкунӣ, ё камомад ба миқдори ниҳоят зиёд) ва 323 (сохтакории хизматӣ)-и КҶ ҶТ айбдор карда мешавад. Ӯ дар азхудкунии ҳудуди 200 ҳазор сомонӣ маблағҳои давлатӣ муттаҳам дониста мешавад, - афзуд судя.

Маврид ба ёдоварист, собиқ вакили маҷлиси вакилони халқи шаҳри Истиқлол Абдураҳим Расулов дар вазифаҳои муовини нахуствазири ҶТ, муовини раиси вилояти Суғд, муовини раиси шаҳри Чкаловск ва раиси шаҳри Қайроққум низ дар гузашта фаъолият дошт. Аз моҳи марти соли 2004 то замони боздошт вазифаи директори генералии КВД «Заря Востока»-ро иҷро мекард.

Мӯҳр