Русский  >>  فارسی  >>  Панҷшанбе 8 декабр 2016, 08:57

Медал ба вакилони парлумони Тоҷикистон

17 декабр 2012, 07:08

Лоиҳаи қонун «Дар бораи тайёрии варзишӣ» имрўз дар ҷаласаи навбатии Шўрои Маҷлиси намояндагони, ки таҳти раёсати Шукурҷон Зуҳуров баргузор гардид, баррасӣ шуд.

Тавре ба Озодагон аз дафтари матбуотии палатаи поёнии парлумон иттилоъ доданд, дар ҷаласа Марҳабо Ҷабборова, раиси кумитаи МН оид ба илм, маориф, фарҳанг ва сиёсати ҷавонон изҳор дошт, ки лоиҳаи Қонуни Ҷумҳурии Тоҷикистон «Дар бораи тайёрии варзишӣ» бо мақсади тақвият бахшидан ба раванди оммавӣ намудани тарбияи ҷисмонӣ ва варзиш таҳия шудааст. Ҳамчунин он ба таҳкими саломатӣ ва рушди ҳамаҷонибаи қобилияти ҷисмонии шаҳрвандон равона гардида, барои ташвиқу тарѓиби тарзи ҳаёти солим дар байни аҳолӣ заминаҳои мусоид фароҳам меорад».

Манбаъ афзуд, ҳамчунин дар нишаст қайд гардид, ки дар баробари рушду равнақ ва инкишоф ёфтани ҷомеа шаклу намудҳои нави варзиш ва муассисаҳои тайёрии варзишӣ, новобаста аз шакли ташкилию ҳуқуқӣ, ба вуҷуд омада бошанд ҳам, то ба имрўз фаъолияти онҳо ба фазои ягонаи ҳуқуқӣ ворид карда нашудаанд. Дар бисёр мавридҳо муассисаҳои тайёрии варзишӣ ва дигар субъектони тайёрии варзишӣ фаъолияти худро бе барномаҳои илман асосноки тайёрии варзишии аз тарафи мақомоти дахлдор тасдиқгардида ба роҳ монда, аз тарафи онҳо стандартҳои тайёрии варзишӣ риоя карда намешавад, ки он метавонад боиси оқибатҳои ногувор гардад.

Маврид ба тазаккур аст, ки лоиҳаи қонуни мазкур, ки бо тартиби ҳуқуқи таашаббуси қонунгузорӣ аз тарафи вакилон- Мирганд Шабозов, Марҳабо Ҷабборова, Меҳроҷиддин Ҳакимов ва Бибидавлат Афзалшоева пешниҳод карда шудааст, аз 4 боб ва 22 модда иборат буда, масъалаҳои мухталифи танзими ҳуқуқии соҳаи тайёрии варзиширо дар бар мегирад.

Дар анҷоми ҷаласаи Шӯрои МН Шукурҷон Зуҳуров ба муовини раиси Маҷлиси намояндагон Назира Fаффорова, раисони кумитаҳои Маҷлиси намояндагон Амир Катаев, Хайринисо Юсуфӣ, Амирқул Азимов, вакилони Маҷлиси намояндагон Сабоҳат Муқумова, Рустам Латипов, Насрулло Маҳмудов ва Лутфулло Саидмуродов медалҳои ҷашнии «20 – солагии Ассамблеяи Байнипарлумонии Иттиҳоди Давлатҳои Мустақил» ва ифтихорномаҳои фахрии Ассамблеяи мазкурро тақдим намуд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!