Русский  >>  فارسی  >>  Ҷумъа 9 декабр 2016, 22:20

Ҳушдори БДА ба ронандагони нақлиёт

18 декабр 2012, 12:08

Дар қаламрави ҷумҳурӣ 6 ҳодисаи нақлиётӣ ба вуқуъ пайвастааст, ки дар натиҷа 6 нафар ҷароҳатҳои вазнини ҷисмонӣ бардоштанд.

Тавре аз РБДА ба Озодагон иттилоъ доданд, тахминан соати 17-20-и рӯзи гузашта, ронандаи автомашинаи тамғаи «Хундай старекс», Баракатулло Юсупови 43-сола ҳангоми ҳаракат дар кӯчаи Ҷаббор Расулов ба тарафи кӯчаи Раҳмон Набиев, дар рӯ ба рӯи бинои истиқоматии №16 пиёдагарди 60-65 соларо пахш мекунад, ки дар натиҷа пиёдагард ҷароҳатҳои вазнини ҷисмонӣ бардошта, дар беморхона бистарӣ мегардад.

Дар ноҳияи Ҳисор бошад,сарнишини «Таёта кембри» Фахриддин Ҳотамови 20- сола бе ҳуҷҷати ронандагӣ воситаи нақлиётро идора намуда, ҳангоми ҳаракат дар ҳудуди ҷамоати Сомон дар рӯ ба рӯи боғи «15-солагии Истиқлолият» бехатарии ҳаракати роҳро риоя накарда, ба автомашинаи «Мерседес- бенс» (ронандааш Абдухолиқ Муъминови 36- сола) ва дигар автомашинаи «Део сиэло» бармехӯрад, ки дар натиҷа ронандаи автомашинаи «Део сиэло», ки дар канори роҳ меистод бо мусофираш ҷароҳати вазнин бардошта, дар беморхона бистарӣ мегарданд.

Манбаъ афзуд, имрӯз дар қаламрави кишвар ҳаво сард аст, бинобар ин, дар қисме аз манотиқи кишвар роҳҳо яхпӯш шудаанд: « Аз ин рӯ аз ҳамаи ронандагони воситаҳои нақлиёт эҳтиромона хоҳиш манамоем, ки суръати ҳаракатро дар роҳ баланд накарда, сиҳату саломат ба манзил расанд».

Маврид ба зикр аст, ки дар қаламрави кишвар аз аввали сол то ба имрӯз 1321 ҳодисаи роҳу садамаи нақлиётӣ ба қайд гирифта шуда, бар асари он 422 нафар ба ҳалокат расида, 1457 нафари дигар ҷароҳатҳои вазнини ҷисмонӣ бардоштаанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!