Русский  >>  فارسی  >>  Якшанбе 4 декабр 2016, 13:10

Парлумони ҷавонон дар меҳмонии Маҷлиси намояндагон

27 декабр 2012, 11:56

Раиси кумитаи Маҷлиси намояндагон оид ба илм, маориф, фарҳанг ва сиёсати ҷавонон Марҳабо Ҷабборова бо намояндагони «Парлумони ҷавонони Тоҷикистон» мулоқот намуд.

Бино ба иттилои дафтари матбуотии палатаи поёнии парлумон, аснои нишаст масоили марбут ба ҳаёти иҷтимоиву иқтисодии ҷавонони кишвар ва густариши ҳамкорӣ байни Парлумони ҷавонони Тоҷикистон бо кумита ва комиссияҳои Маҷлиси намояндагон баррасӣ гардид. Бону Ҷабборова дар оғози сўҳбат дар бораи фаъолияти кумитаи илм, маориф, фарҳанг ва сиёсати ҷавонон маълумоти муфассал дода, ҳамзамон изҳор дошт, ки аъзои ин кумита ва дар маҷмўъ ҳамаи вакилони Маҷлиси намояндагон ҳамеша бо ҷавонони мамлакат дар иртибот қарор доранд.

- «Аъзои кумитаи мо, ки баррасӣ ва масъалаҳои марбут ба кору зиндагии ҷавонон низ яке аз самтҳои асосии фаъолияти онҳо ба шумор меравад, дар ҳамаи гўшаву канори мамлакат, бахусус дар шаҳри Душанбе бо ҷавонони фаъол ва равшанфикр, ҳамчунин бо ҷавонони ҳамаи табақаҳои кишвар пайваста мулоқоту вохўриҳо менамоянд, то аз муваффақияту мушкилоти онҳо аз наздик ошно шаванд»- гуфт Марҳабо Ҷабборова.

Ҳамзамон, Кабир Ҷӯраев, муовини аввали раиси Кумитаи ҷавонон, варзиш ва сайёҳӣ  , ки намояндагони Парлумони ҷавонони Тоҷикистонро ҳамроҳӣ мекард, мақсад аз таъсиси парлумони мазкурро дар баробари баланд бардоштани дониши ҳуқуқии ҷавонон, тарғибу ташвиқи ифтихори ватандорӣ, арзишҳои миллӣ, ҳисси ватандўстиву меҳанпарастӣ, ҳамчунин мусоидат кардан дар ҳалли мушкилоти ҷавонон унвон кард.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!