Дар ин бора ба Озодагон Ҷамила Байдуллоева, сардори Маркази обу ҳавошиносии ҷумҳурӣ хабар дод.
Ба қавли ӯ, «то 31-уми декабри соли равон дар шаҳри Душанбе ҳавои камабри бебориш, рӯзона ва бегоҳӣ туманфароӣ, яхбандӣ дар роҳҳо дар назар аст. Ҳаво шабона 12-14 дараҷа хунук, рӯзона бошад, -2 дараҷа хунукӣ мешавад ва баъдан то 31-уми декабр ҳарорати ҳаво каму беш гарм шудан мегирад. 1-уми январи соли 2013 дар ҷумҳурӣ ҳарорати ҳаво паст шуда, рӯзона -1 дараҷа хунукиро ташкил дода ва эҳтимолияти боридани барф дар қисми зиёди ҷумҳурӣ дар назар аст».
-Ҳарорати ҳаво шабона дар вилояти Хатлон аз 9 то 14 дараҷа хунук, рӯзона бошад, аз 2 дараҷа хунук то 3 дараҷа гарм. Дар доманакӯҳҳо бошад, шабона то 20 дараҷа хунук, рӯзона бошад, 4 дараҷа хунук то 1 дараҷа гарм хоҳад шуд. Дар вилояти Суғд шабона 9-14 дараҷа хунук рӯзона 05 дараҷа дар водиҳо хунук, дар минтақаҳои кӯҳӣ бошад, шабона то 20 дараҷа хунук рӯзона аз 3 то 8 дараҷа хунук мешавад»-афзуд манбаъ.
Гуфтанист, дар ғарби вилояти Бадахшон аз 13 то 15 дараҷа хунук, рӯзона 6 дараҷа хунук ва дар шарқи ин минтақа то 20-25 дараҷа хунук дар минтақаи Булукул бошад , ҳаво то 31 дараҷа сард хоҳад шуд.
Мӯҳр