Русский  >>  فارسی  >>  Якшанбе 4 декабр 2016, 04:55

Сӯхтор дар Душанбе

4 январ 2013, 06:52

Беназорат гузоштани асбобҳои барқӣ тайи ду рӯзи охир дар ду манзили истиқомати сӯхторро ба вуҷуд овард.

Тавре аз дафтари матбуотии Хадамоти оташнишонӣ ба хабаргузории Озодагон иттилоъ доданд, 2-юми январи соли равон тахминан соати 18:20 дақиқа дар хонаи истиқоматии шаҳрванд Тағоймурод Суюнови 63 сола, сокини маҳаллаи Энергетики шаҳри Норак, дар масоҳати 40-метри мураббаъ сӯхтор сар задааст. Дар натиҷа бинои истиқоматӣ ва ашёҳои хона сӯхта нобуд шудааст.

Гуфта мешавад, зарари расонидашуда 20 ҳазор сомониро ташкил медиҳад.

Сабаби ба амал омадани сӯхтор риоя накардани қоидаҳои бехатарии зидди сӯхтор мебошад.

Ба иттилои манбаъ, рӯзи гузашта низ як хонаи истиқоматӣ дар шаҳри Душанбе оташ гирифтааст: “Рӯзи 3-юми январи соли равон тахминан соати 14:44 дақиқа дар кӯчаи Спартаки ноҳияи исмоили Сомонии шаҳри Душанбе дар хонаи шахсии истиқоматии шаҳрванд Латофат Шарипова, корманди қаҳвахонаи “Бистро” дар масоҳати 60 метри мураббаъ сӯхтор ба амал омадааст, ки дар натиҷа болопӯши хона ва молу ашёи як ҳуҷра ба хокистар табдил ёфтааст”.

Сабаби сар задани ин сӯхтор беназорат гузоштани асбоби гармидиҳандаи барқӣ мебошад.  



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!