Русский  >>  فارسی  >>  Шанбе 3 декабр 2016, 09:42

Ҷазо ба 4 корманди Агентии назорати маводи нашъаовар

5 январ 2013, 07:15

Ин масъулин аз сӯи раҳбарияти сохтори мазкур барои натиҷаҳои паст дар фаъолиятҳои фаврӣ-хидматӣ ба ҷавобгарии интизомӣ кашида шуданд.

Тавре Бобоҷони Шафеъ, корманди дафтари иттилотии АНМН ба Озодагон хабар дод, тасмим рӯзи 4 январ, зимни ҷаласаи ҷамъбасти фаъолияти солонаи агентӣ аз сар гирифта шуд: « Дар кори нишаст мудири шӯъбаи мудофиа ва тартиботи ҳуқуқии дастгоҳи иҷроияи президент Абдусаттор Раҷабов ширкат ва суханронӣ намуд. Дар ҷаласа натиҷаҳои фаъолияти фаврӣ-хидматӣ, назорати муомилоти маводи мухаддир, моддаҳои психотропӣ ва прекурсорҳо, такмили ихтисос ва омӯзиши ҳайати шахсии агентӣ мавриди баррасӣ қарор гирифт».

Ҳамзамон, қайд гардид, ки дар давраи ҳисоботӣ агентӣ дар самти татбиқи сиёсати давлатии мубориза бо муомилоти ғайриқонунии маводи мухаддир, ҳамоҳангсозии фаъолияти мақомоти ҳифзи ҳуқуқ ва сохторҳои қудратии ҷумҳурӣ ва ҳамкориҳои байналмилалӣ корҳои муайянеро анҷом дод. Дар ҷараёни ҷаласаи фаврӣ чораҳои мушаххас барои бартараф сохтани камбудиҳо дар фаъолияти баъзе хадамот пешбинӣ гардиданд.

-Ба роҳбарони асосии воҳидҳои АНМН мӯҳлат дода шуд, ки дар давоми семоҳаи аввали соли равон ҳолати ба миёномадаро ислоҳ намоянд,-афзуд манбаъ.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!