Русский  >>  فارسی  >>  Ҷумъа 9 декабр 2016, 16:36

Тармафароӣ боиси марги 3 нафар гардид

14 январ 2013, 11:02

Байни деҳаҳои Аскалон ва Шархои минтақаи Рашт тарма фаромада, мунҷар ба марги як сокини қишлоқи Шархо- Муҳаммади Абдуллои 13-сола ва сокини қишлоқи Ярхаб- Файзулло Ҷамилови 21-сола шуд.

Тавре Ориф Нозимов, сухангӯи Кумитаи ҳолатҳои фавқулодда ба Озодагон иттилоъ дод, ин ҳодиса 13-уми январи соли равон тахминан соати 12 рух додааст:  «Дар натиҷаи кофтукоб cоати 15:40 дақиқа, аз тарафи ситоди ноҳияи Рашт бо ҳамроҳии дастаҳои наҷотдиҳии ихтиёрӣ ҷасадҳои онҳо ёфт гардида, ба наздиконашон супорида шуд».

Манбаъ афзуд, ҳамчунин як рӯз қабл аз ин ҳодиса, 12-уми январ дар километри  68-уми роҳи Душанбе-Чаноқ автомашинаи тамғаи «Ҷип-Муссо» зери тарма монд, ки дар натиҷа як нафар шаҳрванд, шахсияташ номаълум  дар ҷои ҳодиса ба ҳалокат расид: «3 нафари дигар Абдураҳмонов Аъзам Насруллоевич, соли таваллудаш 1982, истиқоматкунандаи шаҳри Панҷакент, Абдураҳмонов Икром Насруллоевич соли таваллудаш 1968 ва  Ҷалол Усмонови 25-сола, истиқоматкунандагони шаҳри Хуҷанд аз чуқурии 300 метр аз сӯи наҷотдиҳандагон наҷот дода шуданд».   


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!