Дар бозори “Панҷшанбе”-и Хуҷанд асал арзон аст

Ширкати «Агро-Информ»-и Тоҷикистон мегӯяд, тоҷирони бозори  «Шоҳмансур»-и шаҳри Душанбе дар қиёс ба бозори «Панҷшанбе», шаҳри  Хуҷанд асалро як маротиба гарон мефурӯшанд.

Тавре аз ин ташкилот ба Озодагон иттилоъ доданд, ба ҳисоби миёна нархи як кило асал дар бозори «Шоҳмансур»-и пойтахт 41 сомонӣ аст, ки ин нишондод дар бозори  «Панҷшанбе», шаҳри  Хуҷанд 22 сомониро ташкил медиҳад.

Ба қавли намояндагони “Агро-Информ” аз ҳама нархи гарони асал пас аз бозорҳои Душанбе дар бозори марказии Рашт мушоҳида мешавад: «Он ҷо як кило асал ба нархи 40 сомонӣ ба фурӯш гузошта шудааст. Дар бозори марказии шаҳри  Кӯлоб бошад, як кило асал 39 сомонӣ арзиш дорад. Дар бозорҳои марказии шаҳри Истаравшану Қӯрғонтеппа  бошад, як килои он 30 сомонӣ қимат дорад».

Гуфта мешавад, нархи арзони асал пас аз бозори «Панҷшанбе»-и шаҳри Хуҷанд  дар бозори «Сух», ҳамсарҳад бо Исфара дар марзи Қирғизистон мушоҳида карда шуд, ки дар онҷо як кило асал 27 сомонӣ ба фурӯш гузошта шудааст.
Мӯҳр