Ҳикояҳои марги Саддом Ҳусейн, раисҷумҳури маъдуми Ироқ ва Усома ибн Лоден, ки мақомоти Вашингтон қисса мекунад сохта мебошад.
Ба гузориши хабаргузории “Форс” Ҷеймс Фитсҷералд, собиқ афсари қисми низомии нерӯи дарёии Амрико ҳангоми мусоҳибаи худ бо шабакаи телевизионии “PressTV” бо ишора ба нуктаҳои боло иброз намуда, ки мудохалаи низомии Амрико дар Ироқ ва Афғонистон бо роҳи дурӯғу фиребкорӣ идома дорад, он барои оғоз намудани ҷангҳои ба ном “Ҷанг алайҳи терроризм” чизҳоеро сабаб меорад, ки аз ҳақиқат дур ҳастанд.
Ба гуфтаи ҷаноби Фитсҷералд бештари низомиёни амрикоӣ дарк намудаанд, ки дахолати низомии онҳо дар Ироқу Афғонистон бар пояи дурӯғу фиребкоӣ анҷом ёфтааст.
Номбурда дар мавриди даст ба худкушӣ задани сарбозони амрикоӣ гуфтааст: “Вақте онҳо мефаҳманд, ки давлаташон талош дорад, то дар миқёси густарда ба онҳо дурӯғ бигӯяд, худкушӣ менамоянд. Аз ҷумла, вақте аз онҳо хоста мешавад, то занону кӯдакони бегуноҳро бикушанд. Ин чизе аст, ки ҷавонони ормонгарои амрикоӣ онро намехоҳанд”.
Ин дар ҳолест, ки Вазорати дифоъи Амрико чанде қабл тайи як гузориши худ аз худкушии 349 сарбози амрикоӣ дар соли 2012 хабар дода буд.
Мӯҳр