Русский  >>  فارسی  >>  Ҷумъа 9 декабр 2016, 12:45

Изҳори нигаронии мусофирону муҳоҷирон. Дар Хуҷанд

18 январ 2013, 05:36

Кормандони Терминали байналмиллалии №1 рўзҳои охир бар асари бозиҳои пасипардагии баъзе аз мансабдорон гирифтори найрангу дасисаҳои беасос гардидаанд.

Дар муроҷиатномае, ки ба ин мазмун аз мусофирон ва кормандони терминали мазкур унвонии Озодагон ирсол шудааст, менависанд, ки мӯҳтавои асосии қазия ин аст, ки Кумитаи давлатии сармоягузорӣ ва идораи амволи давлатии Ҷумҳурии Тоҷикистон ба пешниҳоди ғаразноки раҳбари корхонаи воҳиди давлатии «Фурудгоҳи байналмилалии Хуҷанд» Маъруф Маҳмудов ба унвони Шумо, Президенти Тоҷикистон дар таърихи 22-декабри соли 2012 мактуби беасос ирсол карда, аз тариқи роҳбари дастгоҳи Президенти Тоҷикистон Б.Худоёров  таҳти рақами 40670 аз таърихи 29-декабри соли 2012 ҷавоби мусбат гирифтаанд, ки он комилан бозгўи ҳақиқат нест.

Дар идомаи ин муроҷиатнома омадааст, мувофиқи ин мактуб, ки дар он бо ҳарфи калон   навишта шудааст: «Президенти Ҷумҳурии Тоҷикистон розигӣ доданд». Шурўъ аз таърихи 12-январи 2013 шаст дарсади шумораи мусофирон ва меҳмонони фурудгоҳи байналмилалии Хуҷанд аз тариқи бинои кўҳнаи дар замони шўравӣ сохташуда гуселу пазироӣ мегарданд. Ҳамин тариқ, хизматчиёни давлатӣ дар шахсияти роҳбари фурудгоҳи байналмилалии Хуҷанд Маъруф Маҳмудов, роҳбарияти Кумитаи давлатии сармоягузорӣ ва идораи амволи давлатии Ҷумҳурии Тоҷикистон ба раҳбари дастгоҳи Президенти Ҷумҳурии Тоҷикистон мутассифона иттилоъи ғаразнок пешниҳод карда, гўё  ризояти Шумо,Ҷаноби Олиро ба даст овардаанд, ки чунин бозиҳои пасипардагӣ оқибат боиси норозигии мусофирон ва муҳоҷирони тоҷик гардидааст.

Матни комили муроҷиатнома аз ин нишонӣ мутолиа карда метавонед: http://www.ozodagon.com/ms/item/16894



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!