Русский  >>  فارسی  >>  Якшанбе 4 декабр 2016, 23:27

USAID ба 107 ҳазор шаҳрванди Тоҷикистон кӯмак кардааст

24 январ 2013, 06:47

Лоиҳаи USAID оид ба ислоҳоти замин ба муносибати ба анҷом расонидани фаъолияти сесолаи худ дар Тоҷикистон, ки ба эъмори пояҳои ҳуқуқии истифодаи замин равона гардидааст, чорабинии вижа роҳандозӣ мекунад.

Тавре ба Озодагон аз сафорати ИМА дар Душанбе иттилоъ доданд, чорабинии мазкурро Сюзан М. Эллиотт, дипломати амрикоӣ ва муовини нахуствазири Тоҷикистон Муродалӣ Алимардон ҳусни оғоз бахшиданд. Хонум Эллиотт дар баромадаш аз ҷумла гуфт: “Ислоҳоти замин  қисми таркибии рушди бахши кишоварзӣ аст ва кафолати ҳуқуқҳои деҳқонон ҳам дар ин самт  омили асосии рушди минбаъдаи ин соҳа мебошад. Дар мавриди боварӣ ҳосил намудани деҳқонон, ки ҳуқуқҳои заминистифодабарии онҳо кафолат дода шудааст, онҳо бештар ба сармоягузории дарозмуддат ҷиҳати баланд бардоштани маҳсулнокӣ ва даромаднокии замин мароқ зоҳир хоҳанд намуд”.

Лоиҳаи USAID аз оғози фаъолияти худ ба таҳким ва ҳимояи ҳуқуқҳои истифодабарандагони замин, рушди замина ва сохторҳои бозори ҳуқуқи истифодабарандагони  замин бо роҳи пешниҳоди дастгирии техникӣ, барномаҳои омӯзишӣ,  робита бо ҷомеа ва воситаҳои ахбори омма равона шуда буд. Тайи се соли фаъолияти лоиҳа беш аз 107 000 ҳазор нафар шаҳрвандон бевосита аз кӯмаки он баҳраманд шуданд.Барномаҳои USAID  аз соли 2004  ба ҳукумат дар пешбурди сиёсат оид ба  замин ва таҳияи асноди ҳуқуқӣ  кӯмак менамояд.   

Аз соли 1992 инҷониб мардуми Амрико тавассути барномаҳо ва кӯмакҳои башардӯстона барои дастгирӣ намудани ниҳодҳои демократӣ, соҳаҳои тандурустӣ, маориф ва рушди иқтисодии Ҷумҳурии Тоҷикистон  ба маблағи 1 миллиард доллари ИМА ироъа намуд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!