Русский  >>  فارسی  >>  Чоршанбе 7 декабр 2016, 17:31

«Роҳи дур ба Макка», ки дар Тоҷикистон қабул нашуда буд, ҷоизаи байналмилалӣ гирифт

25 январ 2013, 05:03

Ҳунарманди шинохтаи театри тоҷик Барзу Абдураззоқов бо ҳаводорону мухлисони ҳунараш дар дафтари марказии ҲНИТ мулоқот дошт.

Ин маҳфил, ки «Адабиёт ва андеша» ном дошта, чанд вақт боз чеҳраҳои саршиносро бо дӯстдорони каломи бадеъ ошно месозад, дар дилу дидаи ширкатдоронаш ҷо гирифтааст. Барзу Абдураззоқов пас аз сӯҳбати кӯтоҳе дар мавриди фаъолияти ояндааш гуфт, ки алъон як тарҳ бо Вазорати фарҳангӣ ҷумҳурӣ мувофиқа шудааст, то ӯ осори «Баёноти сайёҳи Ҳинд» ва «Мунозара»-и Абдурауфи Фитрату баъзе аз порчаҳои «Таърихи инқилоби Бухоро» ва «Ҷаллодони Бухоро»-и устод Садриддин Айниро рӯйи саҳна оварад.

Ҳамзамон, аснои ба суоли яке аз ҳозирин, ки «дар сеюмин фестивали баргузоршуда дар шаҳри Алма-Ато ҷойи аввалро соҳиб шуда будед, вале чаро аз номи Тоҷикистон неву аз тарафи ҳамсоякишварамон Қирғизистон ширкат варзид», гуфт: «Ин намоишномаи маро, ки номи он «Роҳи дур ба Макка» мебошад, дар кишвар қабул накарда буданд ва ҳоло ҳам қабул надоранд. Аз ин хотир, мо онро ба Қирғизистон пешниҳод намудем. Зеро ин чизҳо барои қирғиз лозим ҳастанд, барои тоҷик бошад, мутаассифона, не».

Ба гуфтаи ин ҳунарманди тоҷик, чунин мавридҳо зиёд буда, худи ӯ дар бисёре аз кишварҳои хориҷ ҷоизаҳо ба даст овардааст, ки онҳоро дар Тоҷикистон қабул надоранд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!