Дар се муҳофазаи Миср ба муддати як моҳ ҳолати фавқулодда эълон гардида, рафту омади шабона манъ карда шуд.
Ба гузориши расонаҳои хориҷӣ, Муҳаммад Мурсӣ, раисҷумҳури Миср дирӯз 27-уми январ зимни суханронии худ, ки аз тариқи шабакаҳои телевизионии ин кишвар мустақиман пахш гардид, иброз намуда, ки ба хотири қатъи хунрезиҳо ва ҳифзи амният бар зидди ошӯбталабон ба муддати як моҳ дар муҳофазаи Порт-Саид, Суетс ва Исмоилия ҳолати фавқулода эълон менамояд.
Номбурда бо ишора бар ин ки бо ҳар навъи таҳдид алайҳи шаҳрвандон ва мардуми кишвараш бо ҷиддият бархурд хоҳад кард, гуфт: “Ман ба мақомоти ҳифзи ҳуқуқи кишвар дастур дода, бо шаффофияти том аз онҳо дархост намудаам, то ҳар нафаре, ки ба шаҳрвандон ва муаасссисаҳои давлатӣ ҳамла намуда, даст ба ғоратгарӣ мезанад, бо тамоми қудрат ва ҷиддият бархурд кунанд ”.
Бар асоси ин гузоиш, тибқи дастури раисҷумҳури кишвар дар муҳофазаҳои мазкур дар давоми як моҳ аз соати 9-и шаб то 6-и субҳ рафту омад манъ гардидааст.
Мӯҳр