Русский  >>  فارسی  >>  Душанбе 5 декабр 2016, 01:16

Ҳуҷуми сагони дайду ба одамон дар минтақаи Кӯлоб афзойиш ёфтааст

22 июн 2011, 04:01

Қариб 900 нафар одамон дар навоҳии минтақаи Кӯлоб аз газидани ҳайвонот, аз ҷумла сагони дайду захмӣ гаштаанд.


Бино ба қавли хабарнигори маҳаллии «Озодагон» ин гуна ҳодисаҳо фақат тайи шаш моҳи равон рух додаанд.

Зимнан, аз Маркази назорати давлатии санитарию эпидемиологии минтақавӣ (МНДСЭ) ба «Озодагон» гуфтанд, 895-нафар одамон барои муолиҷа гирифтан баъди газидани сагони дайду ба беморхонаҳои шаҳру навоҳӣ муроҷиат кардаанд. Шумораи осебдидагон аз захми сагони дайду дар нисбат ба ҳамин давраи соли гузашта беш аз 120-нафарро ташкил медиҳад. Хушбахтона, ягон нафар баъди ярадор гаштан аз газидани сагон, ба касалии ҳорӣ мубтало нагаштааст.

Бино ба иттилоъ, захмхӯрдагон ба хусус дар навоҳии Восеву Данғара, Ҳамадониву Фархор ва шаҳри Кӯлоб зиёд ба қайд гирифта шудаанд.

Саид Аламов, директори МНДСЭ-и  минтақавӣ мегӯяд, «бо иллати камбуди позаҳр бар зидди бемории ҳорӣ, қисмати зиёди осебдидагон иҷборан аз ҳисоби худашон табобат мегиранд. Агарчӣ дар ҳамаи беморхонаҳои шаҳру навоҳии минтақа эми зидди ҳорӣ ройгон тақсим карда мешавад, вале он ҳанӯз басанда нест». Ба андешаи ӯ, 1-қуттӣ эми зидди ҳорӣ 280-300-сомонӣ қиммат доштааст ва зӯри буҷаи давлат ҳам ба харидории зиёди он намерасад.

Гуфта мешавад, бемории ҳорӣ маризии ниҳоят хатарнок буда, он усулан миёни ҳаявони бесоҳибу дайду зиёд ба мушоҳида мерасад. Ба иқрори мутахассисон, шахси баъди захмин гаштан аз инчунин ҳайвон, ба ин беморӣ сироят гашта, дар кӯтоҳтарин муддат ба ҳалокат мерасад. Ҳайвони ҳорӣ ҳам ҳамагӣ 40-рӯз баъди мариз гаштан, ҳалок мегардад.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!