Масъулини ширкати «Агро-информ»-и Тоҷикистон мегӯянд, тоҷирони бозори «Шоҳмансур»-и Душанбе дар қиёс ба бозори «Бӯка»-и ҳамсарҳад бо Ӯзбакистон нархи як кило гандумро 69 фоиз гарон мефурӯшанд.
Тавре аз ин ташкилот ба Озодагон иттилоъ доданд, ба ҳисоби миёна нархи як кило гандум дар бозори «Шоҳмансур»-и пойтахт 2 сомонию 30 дирам арзиш дорад, ки ин нишондод дар бозори «Бӯка» 1 сомонию 58 дирам ба фурӯш гузошта шудааст.
Сарчашмаи хабар инчунин афзуд, ки аз ҳама нархи гарони гандум дар бозори марказии ноҳияи Рашт мушоҳида мешавад, ки он ҷо як кило гандум ба нархи 3 сомонӣ фурӯхта мешавад.
-Дар бозори марказии шаҳри Қӯрғонтеппа як кило гандум 2 сомонӣ ва дар бозори «Панҷшанбе»-и шаҳри Хуҷанд ва бозори «Дӯстӣ»-и Қумсангир 2 сомонию 20 дирам арзиш дорад.
Мӯҳр