Кӯлоб: Ховалинг нархи картошкаро арзон карда натавонист

Кишоварзони ноҳияи Ховалинг соли қаблӣ ба миқдори 11.189 тона картошка ҷамъоварӣ намуданд, ки нисбат ба соли гузашта  950 кг зиёд мебошад.

Ба иттилои сардори идораи кишоварзии ноҳия Ғоибов, имсол бо дастгирии ҳукумати маҳаллӣ ва ташаббуси хоҷагидорон, 2 адад пойгоҳи обкашонӣ аз таъмир бароварда шуд, ки  зиёда аз 1000 гектар заминҳои полезӣ обёрӣ гашта, мавриди истифода қарор гирифтанд.

Номбурда афзуд, ҳосили картошкаи саривақтӣ агар аз як ҷониб таъмини ин намуди сабзавотро барои мардуми таҳҷоӣ ҳал карда бошад, аз тарафи дигар маҳсулот ба бозорҳои минтақа бароварда шуда, деҳқонон фоида ба даст оварданд.    

-Бо шодоб гаштани 1000 га замин тавассути пойгоҳҳои обӣ, мушкили деҳқонон хеле осон гашта, дар оянда истеҳсоли маҳсулоти полезӣ ва сабзавот боз ҳам зиёдтар хоҳад гашт   
Дар ҳамин ҳол, нархи картошка дар бозори ноҳия коҳиш наёфта, арзиши он аз 2 сомонӣ болотарро нишон медиҳад.
Мӯҳр