Русский  >>  فارسی  >>  Шанбе 10 декабр 2016, 08:02

Баҳси додгоҳии шаҳрдорӣ бо раиси ҲНИТ. Қарор содир шуд

30 январ 2013, 09:26

Додгоҳи ноҳияи Исмоили Сомонии пойтахт қарори худ дар мавриди баҳси шаҳрдории Душанбе бо раиси ҲНИТ-ро содир кард.

Тибқи иттилои Бузургмеҳр Ёров, адвокати Муҳиддин Кабирӣ, бар асоси ин қарор вакили МН бояд аз шаҳрдорӣ узр пурсад: «Мувофиқи қарори додгоҳ, раҳбари ҲНИТ бояд аз тариқи ВАО аз шаҳрдорӣ узрхоҳӣ намояд. Илова ба ин, додгоҳи Исмоили Сомонӣ талаби ҷониби вакили Маҷлиси намояндагон Муҳидин Кабирӣ дар хусуси парохти 20 миллион сомонӣ ҷарима барои таҳқири депутатро бекор кард».

Ба гуфти адвокат, зерҳимояи ӯ ҳеч асосеро барои бахшиш хостан дар назди шаҳрдориро намебинад ва онҳо тасмим гирифтаанд дар муқобили қарори додгоҳи Исмоили Сомонӣ, ба зинаҳои болоии додгоҳии кишвар шикоят баранд.

Маврид ба ёдоварист, чанд вақт пеш, ҳукумати Душанбе аз болои Муҳиддин Кабирӣ, вакили парлумон ва раҳбари ҲНИТ  ба додгоҳ муроҷиат карда буд. Дар аризаи шаҳрдорӣ таъкид шуда буд, ки Муҳиддин Кабирӣ барои суханони ба гуфтаи онҳо "носазо" дар бораи вазъи экологии пойтахт, аз шаҳрдорӣ бахшиш ё маъзарат пурсад.  


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!