Русский  >>  فارسی  >>  Сешанбе 6 декабр 2016, 23:01

Ҷойизаи ба номи Исмоили Сомонӣ ба 7 олими ҷавон тақдим мегардад

22 июн 2011, 04:52

Ҳафт нафар аз олимони ҷавони тоҷик ба дарёфти ҷоизаи ба номи Исмоили Сомонӣ дар соли 2011 мушарраф гардиданд.


Тавре аз кумитаи ҷавонон, варзиш ва сайёҳӣ ба хабаргузории «Озодагон» гуфтанд, 18 довталаб кори илмии худро ба озмун пешниҳод намуда буданд. Бо назардошти миқдори корҳои пешниҳодшуда ва мавзӯъҳои фарогири он дар панҷ равияи илмӣ ғолибон эълон шуданд. Бо қарори мушовараи кумитаи мазкур  нафарони зерин барандагони ҷоизаи Исмоили Сомонӣ эълом шуданд:   
Олимова Лола Исмоиловна, дотсенти кафедраи акушерӣ ва гинекологии ДДТТ ба номи Абӯалӣ ибни Сино -дар соҳаи илмҳои тиб;
Низомов Исохон Мӯсоевич, номзади илмҳои кимиё, муовини декан оид ба таълими факултаи кимиёи  ДДОТ ба номи Садриддин Айнӣ, дотсенти кафедраи «Кимиёи органикӣ ва ғайриорганикӣ»;
Қассобов Лоиқ Сафарович – муаллими калони кафедраи «Нерўгоҳҳои барқии ДТТ ба номи академик М.Осимӣ, номзади илмҳои техникӣ дар соҳаи илмҳои техникӣ;
Ҷӯраев Беҳзод Машрабович, номзади илмҳои иқтисодӣ, дотсент ва мудири кафедраи баҳисобгирии бухгалтерӣ, таҳлил ва аудити Донишкадаи соҳибкорӣ ва хизмат дар соҳаи илмҳои иқтисодӣ;
Собиров Нуралӣ Миралиевич, муовини декан оид ба таълим дар шӯъбаи ғоибонаи ДМТ, номзади илми иқтисодӣ дар соҳаи илмҳои иқтисодӣ;
Сафаров Бахтовар Амиралиевич, мудири кафедра ва дотсенти кафедраи ҳуқуқи инвон ва ҳуқуқшиносии муқоисавии факултети ҳуқуқшиносии ДМТ дар соҳаи илмҳои ҳуқуқшиносӣ;
Бӯриев Носир Сайдалиевич, сардори раёсати кор бо ҷавонони кумитаи ҷавонон, варзиш ва сайёҳии Тоҷикистон дар соҳаи сиёсати давлатии ҷавонон.
Ёдовар мешавем, ҷоизаи ба номи Исмоили Сомонӣ тибқи қарори ҳукумати ҷумҳурӣ аз 3-юми августи соли 1998 созмон дода шуда ва он аз тариқи озмун ба олимони ҷавон  ҳамасола тақдим мегардад.Тайи ин муддат 100 нафар барандаи озмуни мазкур гардидаанд. Гуфта мешавад, маблағи чойиза 2000 доллари амрикоиро ташкил медиҳад.
{jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!