Русский  >>  فارسی  >>  Панҷшанбе 8 декабр 2016, 01:15

Ҳамкории Тоҷикистону Олмон: аз CASA-1000 то парвариши мева

1 феврал 2013, 11:35

Гул Шералӣ, вазири энергетика ва саноати кишвар, бо Сафири Ҷумҳурии Федаративии Олмон дар Ҷумҳурии Тоҷикистон хонум Дорис Хертрампф мулоқот намуд.

Тавре дар ин бора аз Вазорати энергетика ва саноат ба Озодагон хабар доданд, дар ин мулоқот, ки имрӯз дар бинои худи вазорат сурат гирифт, масъалаҳои ҳамкориҳои дуҷониба, дар соҳаи энергетика ва саноат, аз ҷумла сохтмони нерӯгоҳҳои хурди барқии обӣ, имконияти таъсиси корхонаи муштарак барои истеҳсоли батареяҳои офтобӣ дар Ҷумҳурии Тоҷикистон, СASA-1000, соҳаи нассоҷӣ, коркарди мева ва сабзавот мавриди баррасӣ қарор гирифт.

Бояд гуфт, вазири энергетика ва саноати кишвар вусъат бахшидани корҳоро дар самти вобаста ба сохтмони НБО-хурди Оқ-Су -1 ва Оқ-Су-2 дар ноҳияи Мурғоб таъкид намуда, ҷалби сармоягузорони олмониро барои ҳамкорӣ дар соҳаҳои энергетика, саноати сабук ва хўрокворӣ мувофиқи мақсад арзёбӣ намуд.

Ёдрас менамоем, ки таҷдид ва сохтмони НБО-и хурди Оқ-Су бо ҷалби маблағҳои грантии Олмон дар назар дошта шудааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!