Русский  >>  فارسی  >>  Шанбе 3 декабр 2016, 16:35

Маводи тарканда неву шахси гулӯбурида пайдо шуд

6 май 2011, 06:57

Ба ҷойи маводи тарканда, шаҳрванди гулӯбурида дарёфт гардид.

Кофтукоб ва баргузории амалиёти вижаи кормандони ҳифзи тартибот дар метрои шаҳри Маскав   натиҷаи болоро дар пай дошт.  Тавре пулиси нақлиётии марбути метрои Маскав иттилоъ медиҳад, бино ба гуфтаи шоҳидон соатҳои тахминан 10-11-и шаб дар истгоҳи Сухаревская гӯё як ҷавони гӯё сиёҳсар ба марди 32- 34- сола, ки миллату шахсияташ номаълум аст,  дарафтода, гулӯяшро бо корд мебурад ва аз ҷойи ҳодиса фирор мекунад.

Ҷабрдида дар ҷои ҳодиса бар асари ҷароҳат ва хунравии зиёд фавтидааст.

Гуфтанист, хатсайри Сухаревская яке аз хатсайрҳои серодамтарин метрои Маскав маҳсуб гашта, ҳамчунин қатора ба самти Хиёбони Сулҳ (Проспект Мира) ҳаракат мекардааст, ки ин ҳам қитъаи серодамтарини метро мебошад. Гузашта аз ин вобаста ба ҷашнгирии Иди Ғалаба тамоми пулиси Маскав дар ҳолати омордабоши 100 %-а қарор дошта, ҳайати кормандони пулис дар ҷойҳои издиҳомӣ ба чанд карат аз ҳисоби асокири нерӯҳои мусаллаҳ афзун карда шудаанд.

Аммо намояндагони созмонҳои миллӣ мегӯянд, чандест ҳолатҳои бор кардани ҷиноятҳо ба мардуми миллати ғайрирус бе доштани далел аз суи макомоти зирабти  Русия хеле авҷ кардаанд. Сироҷиддин Нурализода, роҳбари як гурӯҳи ҷавонони рӯшанфикри муҳоҷири тоҷик дар Маскав мегӯяд, ин маротибаи аввал нест, ки бе таҳқиқу таҳлил ва бе доштани далел дар сурати сар задании бетартибиҳо мақомот оҷилан дар он пайи мардуми миллати дигарро пайдо мекунанд ва изҳоротҳое пахш мекунанд, ки хашми миллати таҳҷоиро нисбат ба мардуми омад ангезиш медиҳад.

Ин ҳодиса чи гуна дар миёни ин қадар теъдоди зиёди кормандони мақомоти интизомӣ сурат гирифтааст, суоли матраҳ аст. Ҳамчунин роҳбарияти пулис ваъда кардааст, дар ин росто дар мавриди каммасъулиятии кормандонаш чораҳо хоҳад андешид.

Ёдрас менамоем, чунин амалиёти вижаи кормандони пулис пас аз хоб дидани як кампири рус шурӯъ гардида, тамоми хатсайрҳои метрои Маскав таҳти назорат қарор доранд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!