Бахшҳо
19 май 2011 06:32Ҷавонон ва варзиш

«Асирон»-и асри нав дар китобхонаи Асирӣ

Оид ба кори китобхона зиёд гуфтанду навиштанд, гоҳе таърифу гоҳе дигар шикоят. Дар китобхонаҳо, ба гуфту китобдорон зиёдтар мавсими санҷишу имтиҳон толори китобхонаро донишҷӯён баҳри иҷрои супориши устодон пур мекунанд, боқимонда дар дигар мавсимҳо, аксарият роҳи ин макони донишро гум мекунанд.

Ба ҳар ҳол бо ин ҳама танкидҳо, ба гуфтаи як хонандаи доимии ин китобхона Басирҷон  дар ин макон «олим ҳам, золим хам, тарбият меёбад».

Дар шӯъбаи матбуоти даврии китобхонаи оммавии вилоятӣ ба номи Тошхӯҷа Асирии шаҳри Хуҷанд, як қисме аз рӯзномаҳои маъруфи ҷумҳурӣ «Озодагон», «СССР» «Миллат» «Омӯзгор» ва бархе аз рӯзномаҳои дигарро, ки хонандагони зиёд доранд, пайдо кардан амри маҳол аст. Аксаран донишҷӯёни хатмкунанда рисолаи дипломӣ ё кори курсӣ доир ба рӯзномаҳои мустақил ё «Инъикоси ҳаёти ҷомеа дар матбуоти даврӣ»  кори илмӣ карданӣ шаванд, аз пайдо кардани  шумораҳои пешини ин ҳафтаномаҳо мушкилӣ доранд.. Ва сарсон ҳар куҷоро ҷустуҷӯ мекунанд.

Ҳар бор вориди китобхона шавем, дар сӯхбат бо  хонандагон аз  муносибати сарди кормандони китобхона, ва аз ҷониби муқобил бошад, баръакси  онро мешунавем. Маълум нест, ки кӣ гунаҳкор?

Тибқи гуфтаи китобдорон сафи мутолиакунандагон баъди пайдо шудани интернет хеле кам шудааст. Аксаран маълумотҳои лозимаро тариқи интернет пайдо мекунанд, ки ин заҳмати андакро талаб мекунад. Тавре мо мушоҳида кардем, дар ошёнаи чоруми китобхона, интернети ройгон бо дастгирии сафорати Амрико «American Corner KHujand» ташкил карда шудааст, хонандагон аз ҷумла талабаҳои мактаби миёна, рӯз дар миён машғули сӯҳбат бо шахсони бегона бо «Agent» ҳастанд. Шахсе масъуле, ки инро назорат мебарад, мусиқиро баланд монда, бокс ва киноҳои навро аз инет «скачат» кардан дораду парво аз он надорад, ки кӣ ба чӣ кор машғул аст.

Аммо бар замми кам шудани сафи мутолиакунандагон, қисми кӯчаке аз муроҷиаткунандагон китоби лозимаашонро пайдо мекунанд. «Ин китоб аз мо нест», шиори кормандони китобхона гардидааст.  Ростӣ зиёд ба китобхонаи номбурда, баҳри иҷрои супориши устодон вориди ин махзани илму дониш мегардем, аксаран китобҳои лозимаро пайдо карда натавониста дасти холӣ бармегардем, ки инро аксари донишҷӯён низ дар сӯҳбат қайд карданд. Китобдорон ин ё он китобро пурсон шавӣ ба шӯъбаи дигар мефиристанд, ки дар «каталог», феҳрастҳо, номи китобҳои лозимаро пайдо карда биёред. Баъди ҷустуҷӯҳои зиёд, пешниҳоди чандин асарҳо танҳо як ё дутоашро имкони пайдо кардан аст.

Аз панҷ номгӯи китобҳои пешниҳодкардаи мо аз ҷумла «Устоди ман, мактаби ман, худи ман»-и Ҷалол Икромӣ, романи «Fуломон» Садриддин Айнӣ, «Дуроҳаи буронӣ»-и Чингиз Айтматов, повести «Ҷамила»-и Ч.Айтматов ва романи  «Дохунда»-и С.Айнӣ ба мо муяссар шуд, ки як романи «Дохунда»- С. Айнӣ-ро, ки аксари варақҳояш дарида ва паҳну парешонанд, пайдо кунем. Гумон аз он аст, солҳо аз истифода набурдану ба як кунҷ хобидан , ба ин аҳвол намерасад ё ҷонвари хурди безабон муш онро ҳеҷ гоҳ чунин варақҳоро чудо намекунад. Дар ягон ҷои саҳифаи он изи дандони ин ҷонвар низ ба мушохида намерасад. Маълум аст, ки ин кори дасти одам аст.  Бо саволи «чаро вазъ чунин аст, посухи кӯтоҳи китобдор: «мисли шумо хонандагон». Яъне гуноҳ бар сари хонандаи бечора бор мегардад. Албатта хонандагон низ он қадар «фариштаю малоика» нестанд. Чаро хиёнат ба моликияти ҷамъият мекунанд? Аммо гунаҳкори дигар ин кормандони китобхона маҳсуб мешаванд, ки чаро ба чунин муносибат чашм пӯшидаанд.

Китобхона ва ё толори консерт?

Дар пештоқи китобхона ва шӯъбаҳои алоҳидаи он бо ҳарфҳои чопӣ чунин навишта шудааст: «Ба хомушӣ риоя кунед», аммо дар дохили толор бошад, санаи 13-уми май, аз руи гуфтаи як ходими ин китобхона ҳофиз Маҳками Баҳриддин 30-солагии худро қайд мекардааст. Садои хондани суруди ин сароянда ҳафт бурҷи толорро фаро гирифтаву гумон мерафт, ки ин ҷо махсус кохи намоиши консертӣ аст. Гумон надорам, ки ин ба садҳо хонандаи мисли ман, ва 20 шӯъбаи хидматрасонандаи китобхона ва садҳо хонандаи аҳли толор хуш омада бошад.  Ин чо кохи намоиши консертӣ аст ё китобхона?

Ҳар бор, ки аз ин куҳантарин китобхонаи Суғд асари лозимаро гирифтанӣ шавем, китобдор аз нохуни пой то тори сари касро ба кайд мегирад. Сар аз ному насаб, ҷои истиқомат, рақами телефони дастӣ бар замми обуна ва хонандаи доимӣ будан. Барои китоби «Дохунда»-и Айнӣ шиносномаҳои ману як дӯстам Абдуаҳадаи Ҷумъақулро гирифтанд. Дар ҳоле ки дар саҳифаи охири ин ҳуҷҷат навишта шудааст:

«Ба гарав қабул намудан ва супоридани шиноснома, инчунин ғайр аз ҳолатҳои дар қонунгузории Ҷумҳурии Тоҷикистон пешбинишуда, мусодира намудани шиноснома манъ аст».

Вақте ин иктибосро ба хонуми китобдор аз шӯъбаи хизматрасонӣ арз доштем, ӯ гуфт:

-Фармон аз боло ман чизе намедонам.

Дар сурати гум ё ба ягон холат гирифтор шудани шиноснома, ки ба он чавобгар аст?  Дар чавоб гуфт: «Мо ва масъулон».

Аммо ҳолатҳое мешаванд, ки дар ин ё он бинои маъмурӣ ва иншоотҳо сӯхтор сар мезанад ва ё ҳодисаи дигар ба вуқӯъ мепайвандад, он гоҳ ҳуҷҷатро кӣ барқарор мекунад? Маълум, ки худи мо, на як масъул ва на як маъмури идора.{jathumbnail off}

Маҳмуди Аҳмад, шаҳри Хуҷанд

 

 

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)