Интиқоди рӯҳонии Ҳинд аз як қонуни Тоҷикистон

Сайид Ҷалолиддин Умарӣ, райиси ҷамоати исломии Ҳинд аз тасвиби қонун «Дар бораи масъулияти волидайн дар тарбияи фарзанд» дар парлумони Тоҷикистон шадидан интиқод кардааст.

---

Мавлонои ҳинд, зимни интишори як баёния ба расонаҳои хориҷӣ аз ҷумла гуфтааст,  "ин кишвари дорои ҷамъияти аксаран мусалмони  Осиёи Миёна бояд  фавран ин санади ғайриодилона, зиддидинӣ ва ғайримантиқиро  бозпас хонад. Ӯ  бо ибрози "таассуф ва тааҷҷуб" гуфтааст: «Имрӯзҳо бештари мардуми ҷаҳон моддигароӣ ва атеизм (илҳод)-ро инкор карда ва ба дин рӯ овардаанд. Тоҷикистон худаш ҳам шоҳиди паёмадҳои сиёсати зиддидинии Иттиҳоди Шӯравӣ буд. Бо вуҷуди ин, давлати Тоҷикистон бо тасвиби «қонуни  масъулияти волидайн», ки кӯдаконро аз масҷид дур месозад, алайҳи иродаи мардумаш  гом ниҳодааст».
Маврид ба ёдоварист, баъд аз имзои   тарҳи қонун  «Дар бораи масъулияти волидайн дар тарбияи фарзанд»  ҷавонони зери 18-сола ҳақ надоранд, дар масоҷид ибодат кунанд. Зимни тасвибу қабули ин қонун танҳо вакилони Маҷлиси Намояндагон аз ҲНИТ- Муҳиддин Кабирӣ ва Сайидумар Ҳусайнӣ мухолифи ин лоиҳа овоз дода буданд. Ҳоҷӣ Акбар Тӯраҷонзода, собиқ  узви палатаи болоии парлумони Тоҷикистон ва рӯҳонии саршинос низ аз қабули қонуни мазкур интиқод карда буд.    {jathumbnail off}   
Мӯҳр