Русский  >>  فارسی  >>  Якшанбе 4 декабр 2016, 04:55

Қасидаи ашку хун

23 сентябр 2011, 09:02

(Дар сӯгвории устод Бурҳониддин Раббонии шаҳид) Чӣ мотам аст дар ин рӯзгор дар Кобул,Сипоҳи фитна намуд инфиҷор дар Кобул.Сафири сулҳи Ватанро гулӯла мебандӣ,Дигар ба сулҳ мабош интизор дар Кобул...

Чӣ мотам аст дар ин рӯзгор дар Кобул,

Сипоҳи фитна намуд инфиҷор дар Кобул.

Сафири сулҳи Ватанро гулӯла мебандӣ,

Дигар ба сулҳ мабош интизор дар Кобул.

Тамоми лашкари НАТО ба иддаои бузург,

Накард амнияташ барқарор дар Кобул.

Куҷост ваъдаи пирӯзӣ, меравӣ бо тарс,

Ба танку тӯп ба гаштугузор дар Кобул.

Чаро ба гург шумо дасти дустӣ додед,

Чаро ки "Янкӣ" кунад ифтихор дар Кобул.

Барои чидани бангу ҳашиш омадаанд,

Хушанд бо задани кӯкнор дар Кобул.

Тамоми ҳодиса ин ҷо фиребу найранг аст,

Чӣ ҷангу сулҳ, ки шуд бешумор дар Кобул.

Ба пушти пардаи ин саҳна як муомила аст,

Баҳона фитнаи Толиб, шикор дар Кобул.

Ҳадаф аз ин дасиса на сулҳу саъодати ману туст,

Ҳадаф ҳамин, ки шаванд мондагор дар Кобул.

Дареғи шағри бузургон, ки шуд хазони хазон,

Дареғи мардуми шабзиндадор дар Кобул.

Чи солҳо, ки гузашту гуле дигар нашукуфт,

Чи солҳо, ки наёмад баҳор дар Кобул.

Дилам барои ту эй, шаҳри ошиқон хун аст,

Илоҳи сулҳ шавад пойдор дар Кобул

 

Беҳрӯзи Забеҳуллоҳ



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!