Бахшҳо
03 ноя 2011 05:46Дидгоҳи хос

Қурбонӣ

Ҳикмати қурбонӣ дар нигоҳе зоҳирӣ барои ризои Худо гузаштан аз азизтарин шахс аст.


Бузургтарин иде, ки бузургтарин ҳикматро дар худ нуҳуфтааст. Ҳазрати Иброҳим (дуруд бар ӯ) дар хоб дид, ки Худованд ба ӯ мефармояд, ки ягона фарзандашро қурбонӣ кунад.  Халилуллоҳ фарзандашро ба қурбонгоҳ бурд, то амри Парвардгорашро анҷом диҳад. Ин ҷост, ки ҳикмати раҳмону раҳим будани Худованд ошкор мешавад ва барои ӯ ваҳй нозил мегардад, ки гӯсфанде фиристода хоҳад шуд, то қурбонӣ кунад. Бузургону хирадварзон даҳҳо тафсир бар ин ривоят баён доштаанд. Инҷониб ба ҳеч ваҷҳ дар ҷойгоҳе нест, ки иддаои тафсир бар он ривоятро дошта бошад. Беш аз ин шояд бардошти сиёсигуна аз ҳикмати беолоиши қурбонӣ кори савобе нест. Вале бар ин боварам, ки ҳама чиз, ҳам сиёсат, ҳам мансабу маснад, ҳам иқтисод, ҳам ҳукумат, ҳам аҳзоб… ҳама василае барои хизмат дар ростои саодати инсонҳост.

Ҳикмати қурбонӣ дар нигоҳе зоҳирӣ барои ризои Худо гузаштан аз азизтарин шахс аст. Аммо агар амиқтар ба он бингарем, дармеёбем, ки ризои Худои одил пеш аз ҳама барқарории адолат мебошад. Дар ин росто қурбон кардани чизҳои ба зоҳир зебо ва ширин мусалламан дар ростои ризои Худо ва халқи Худост. Оё ҳозирем чунин кунем?

Аз сӯи дигар ҳама падидаҳои нав таҷассуми дигаргунаи падидаҳои кӯҳан буду ҳаст. Табиист, ки қонунҳо низ аз ин қоида истисно нест. Агар мусалмонем ва ҳикмати қурбонӣ карданро дарк кардаем, ҳатман хоҳем дид, ки қурбон кардани манфиатҳои ба зоҳир зарурии худу пайвандони худ дар ростои саодати халқи Худо заминаи мустаҳкаме барои ризои Худост. Пас қабули қонунҳое барои мубориза алайҳи сӯистифода аз вазифа, фасоди моливу идорӣ ва манъ кардани пазириши наздикон ба кор аз сӯи мансабдорон ё нодида гирифтани ҳикмати азалии қурбонӣ аст ё бехабарӣ аз он. Гузашта аз ин мушкил  аст вазъро бо қурбон кардани як ду мансабдори радаи поён тағйир дод. Мубориза бояд решаӣ ва бунёдӣ бошад, то натиҷаи матлуб ба даст ояд. Бардоштани як ҳалқаи занҷири иллат ба ҳеч ваҷҳ боиси нобудии иллат нахоҳад шуд.

Саргузашти инсоният китобе саршор аз панд аст. Агар аз гузаштаҳои дур бигзарем, ҳамин ҳаводиси чанд соли ахир дар атрофи мо низ кифоят мекунад панде созанда барои худ бигирем. Аскар Акаев, Қурмонбек Боқиев, Ҳуснӣ Муборак, Бен Алӣ, Муаммар Қаззофӣ ва амсоли онҳо даҳҳо тани дигар, ки натавонистанд манфиатҳои ночизи худу наздикони худро дар ростои манфиатҳои миллат қурбонӣ кунанд, қурбони худхоҳӣ ва худкомагии худ шуданд. Ин вазъ ҳолатеро пеш овард, ки бегонагон дар ростои манфиатҳои худ ин шахсҳо ва муҳимтар аз он манфиати миллӣ, амнияту оромии кишварҳои онҳоро курбонӣ карданд. Ҳамакнун солҳои дарозе мебояд, ки мардуми он кишварҳо баҳои қурбонии худхоҳии он шахсҳову манфиатҳои бегонагонро бипардозанд.

Дар ин миён падидае намедонам ба номи мулоҳиза, тарс, камҳимматӣ, беҷасоратӣ, худхоҳӣ ё чизи дигар боис аст, ки мардоне дар баробари беадолатиҳо қад алам кунанду норасоиҳоро ҷасурона бигӯянд. Оё ҳастанд афроде, ки барои саодати мардум манфиатҳои худро қурбон кунанд? Албатта на дар шакли иддаоҳои пуч, балки амалан дар ин майдон талош варзанд. Ва беш аз ин ҳама оё мо ҳама сидқан хоҳони саодати мардум ҳастем? Пурсиши газандаест, не?

Зафари Сӯфӣ

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)