Бахшҳо
13 янв 2012 07:03Гузориш

Ислоҳот ё идомаи амалҳои қаблӣ?

Як бор "фаъолият" ва вазифагирии Шарифхон Самиевро ба хотир оред. Аз "Барқи тоҷик" ба нерӯгоҳи "Норак" ва аз он ҷо ба симмати райисии шаҳри Қӯрғонтеппа расиданашро дар назар дорам…

Ҳодисаҳои "баҳори араб" бархе ҳукуматҳои худкомаро маҷбур кард, то даст ба ислоҳоти сиёсӣ зананд. Аз ҷумла баъзе аз кишварҳои Осиёи марказӣ низ дар сиёсатҳои хеш бознигарӣ намуданд. Метавон гуфт, ки ҳодисаҳои кишварҳои арабӣ сарварони кишварҳоеро, ки низоми диктотурӣ доранд, андаке ба худ овард. Аз мисолҳои таърихӣ мушоҳида мешавад, ки ислоҳотҳо замоне рӯи даст гирифта мешаванд, ки ё кишвар обистани инқилоб гардад ё сатҳи зиндагии ҷомеа посухгӯи ниёзҳои мардум набошад.
Солҳои охир сиёсатшиносон ва сиёсатмадорони мухолифи ҳукумати Тоҷикистон хостор ва интизори ислоҳоти сиёсӣ ба хусус дар сиёсати дохилӣ ва кадрии ҷумҳурӣ мешаванд. Аз ҷумла Муҳиддин Кабирӣ раиси ҲНИТ чанде пеш бо пахши як баёния аз президент Эмомалӣ Раҳмон талабгори чунин як ислоҳоти кадрӣ шуда буд. Воқеан вазъи иқтисодию иҷтимоии Тоҷикистон низ, ки бӯҳронӣ ва нигаронкунанда аст, роҳандозии ислоҳоти куллиро дар кишвар тақозо дорад.
Аммо аз оғози сол мушоҳида мешавад, ки президенти Тоҷикистон ин бор низ баръакси интизороти мухолифон ва мунаққидони сиёсиаш ислоҳоти чашмгире ба сомон намерасонад ва ҳамаи тасмимҳояш ҷуз давоми сиёсатҳои қаблиаш нахоҳад буд.
Президенти Тоҷикистон ҳанӯз дар табрикоти солинавиаш соли 2012-ро аз он ҷиҳат барои тоҷикистониён муҳим хонд, ки дар ин сол низ моро ду ҷашни бошукӯҳ, 20 солагии сесияи 16-уми Шӯрои олӣ ва 15 солагии ваҳдати миллӣ интизор аст. Ин гуфтаҳо бозгӯи онанд, ки дар кишвари мо ҳеч ислоҳот ё таҳаввулоти сиёсиро интизор шудан имконпазир нест. Яъне боз ҳамон ид, боз ҷашн, боз рақсу бозӣ. Идомаи амалҳои бистсола.
Ба сарвазир додани баъзе ваколатҳоро аз ҷониби раисиҷумҳур бархе аз коршиносон ҳамчун рӯ овардани президент ба ислоҳоти сиёсӣ унвон намуданд. Аммо ба вазифаи муовини аввали нахуствазир таъин шудани шахси наздик ба сардори давлат Матлубхон Давлатов ин фарзияро ботил кард. Зеро вазифаҳое, ки ба дӯши нойиби якуми сарвазир вогузор шудааст гумонеро ба миён меорад, ки тасмимгиранда маҳз ҳамон кас хоҳад буд.

Пасманзар

Тағйироти кадрие, ки ахиран Эмомалӣ Раҳмон рӯи даст гирифт, низ давоми мантиқии ҳамон сиёсати нав-кӯҳна аст, ки чеҳраҳои қаблӣ танҳо ҷойи худро иваз менамоянд.
Раванди таъиноти кадрҳоро агар пеши назар биёред, ба хулосае мерасед, ки мансабдорони кунуни тоҷик ҳамадононанду аз ӯҳдаи ҳама кор мебароянд. Агар чунин нест, аз як вазорат ба вазорати дигар ва аз кумитае ба кумитае бурдани мансабдорон чӣ маънӣ дорад?
Як бор "фаъолият" ва вазифагирии Шарифхон Самиевро ба хотир оред. Аз "Барқи тоҷик" ба нерӯгоҳи "Норак" ва аз он ҷо ба симмати раисии шаҳри Қӯрғонтеппа расиданашро дар назар дорам. Оё ин чунин маъно надорад, ки оқои Самиев ҳам энергетики хуб асту ҳам менеҷер ва мисли ӯ мутахассис дар тамоми Тоҷикистон ёфт намешавад…
Ба ҳар ҳол, даҳрӯзаи аввали соли 2012 касро ба хулосае меорад, ки мунтазирони ислоҳоти сиёсӣ дар Тоҷикистон боз ҳам дар интизороташон иштибоҳ карда ва то чанд муддати дигар ҳам мунтазир бояд бимонанд. Вассалом.

Азизи Нақиб

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)