Дар ин хусус зимни баргузории конфоронси хабарии Бонки рушди Осиё ба муносибати муаррифии «Шарҳи рушди Осиё дар соли 2012» дар шаҳри Душанбе зикр гардид. Ҳамчунин таъкид шуд, ки ин мизони таваррум нишондиҳандаи манфист. Ин дар ҳолест, ки сатҳи таваррум таи ду соли оянда дар Тоҷикистон 8,5-9 дар садро ташкил хоҳад дод.
«Бояд як нуқтаи муҳимро кайд кард, ки ҳар қадар сатҳи таваррум баланд бошад, ҳамон қадар дар мамлакат миқдори камбизоатҳо меафзояд», изҳор дошт Қаҳҳор Аминов, иқтисодшиноси намояндагии доимии БРО дар Тоҷикистон.
Ба андешаи иқтисодшиноси БРО, дар айни замон сатҳи таваррум дар ҳамаи кишварҳои Осиёи Марказӣ муътадил аст ва зарурати таъҷилӣ барои ба нумуъ овардани иктисодиёти ин кишварҳо нест.
Ҳамчунин, Аминов афзуд, ки андозаи хавф барои кишварҳои Осиёи Марказӣ метавонад зиёдтар аз пешгӯӣ бошад ва ин аз бисёр омилҳои дигаре, аз қабили офатҳои табиӣ, таназзули бозор ва вазъи сиёсии ин давлатҳо вобаста аст.
Намояндаи БРО қайд мекунад, ки баланд шудани сатҳи таваррум ба боло рафтани нархи маводи хурокворӣ боис мегардад. Дар ин замина, БРО ба кишварҳои минтақа, ки буҷаи заиф доранд, тавсия медиҳад, ки хазинадории давлатиро пурқувват созанд, ҳамучунин ҳаҷми карздиҳо ба соҳибкорони хурду миёнаро афзоиш ва сиёсати ҳамкории фаъоли минтақавӣ ва дастгирии тиҷоратро такмил диҳанд.
Аз ҷумла, дар хусуси Тоҷикистон, гуфта шуд, ки дастгирии сатҳи баланди интиқоли маблағ ва инкишофи соҳаи кишоварзӣ, хизматрасонӣ ва саноат, дар соли 2011 афзоиши даромади умумии дохилӣ ба 7.4% (дар соли 2010-6.5%) расид.
Барои комёб шудан ба инкишофи мустаҳками иқтисодӣ дар ояндаи миёнамуҳлат Тоҷикистон бояд монеаҳои ҷиддиро барои маблағгузории хусусӣ ва омилҳои монеасозро барои маблағгузории берунӣ бартараф созад, зикр кард, Ҷоҷӣ Токешӣ, намояндаи доимии Бонки Рушди Осиё дар Тоҷикистон.
Тавре Ҷоҷӣ Токешӣ зимни баргузори конфоронси хабарии имрӯз дар шаҳри Душанбе зикр кард, Бонки Рушди Осиё, аз соли 1998 то ин дам барои Тоҷикистон ба маблағи 860 миллион доллар ИМА карзҳои имтиёзнок, кумаки бебозгашти моливу техникӣ расонидааст.
Мӯҳр
« Март 2024 » | ||||||
---|---|---|---|---|---|---|
Душ | Сеш | Чор | Пан | Ҷум | Шан | Якш |
1 | 2 | 3 | ||||
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |