Бахшҳо
24 апр 2012 11:44Гузориш

Сел дар Кӯлоб ҷони ду нафарро гирифт

Ду сокини ноҳияҳои Шуроободу Муъминобод бар асари фаромадани сели шадид, ҷони худро аз даст доданд.

Ба қавли Рамазон Неъматов, сардори ситоди ҳолатҳои фавқуллодаи вилояти Хатлон дар гурӯҳи шаҳру навоҳии Кӯлоб, боронгарии шадиди рӯзи 21-ум ба 22-юми апрел барои сокинони минтақа зарари зиёди иқтисодиву молӣ ва ҷонӣ овард. Дар натиҷаи ин боронгарӣ сатҳи оби рудхонаҳо ва обпартовҳо зиёд гашта, дар баъзе маврид соҳилро шикаста, селоба ба заминҳои кишт ва манзили зисти одамон ворид шуд.  
Ба иттилои манбаъ, рӯзи 21-уми апрел аз кӯҳу пӯштаҳо сел фаромада, даҳҳо гектар заминҳои кишт, хонаву ҳавлии сокинони русто ва чорвои аҳолиро ба ком кашид.

Мутаасифона, дар пайи ин офат одамон низ қурбон гаштанд. Моҳшариф Каримова, як бонуи 34-сола аз рустои Ҳанатароши ноҳияи Муъминобод, шоми 21-уми апрел ҳангоми фаромадани сел ба манзили истиқоматиаш, ба берун баромада ба туғёни сел тоқат накарда, меафтад. Ба гумони наздиконаш, ки аз ҳоли ӯ бехабар монда буданд, Моҳшариф миёни тудаи одамони ваҳмзада, дар ягон кунҷи деҳа қарор гирифтаст. Танҳо нимаи дуввуми рӯзи дигар, ҷасади беҷони ин хонумро аз назди обанбори ноҳия, ки ҷӯю селпартоҳои ҳудуди ноҳия ба он ҷорӣ мегардад, пайдо кардаанд.
Ҳамчунин, зӯҳри рӯзи 21-уми апрел як сокини рустои Тӯдании ноҳияи Шурообод бо исми Нурмад Ҷомадов, ки дар навбати пода будааст, миёни дараҳои кӯҳистон миёнаи сели шадид монда, ба ҳалокат расид.

Дар ҳамин ҳол, бино ба иттилои аз кумитаи ҳолатҳои фавқуллодаи минтақавӣ расида, дар пайи офати ҳамонрӯза дар ноҳияи Муъминобод 4 манзили истиқоматӣ ба пуррагӣ хароб гашта, 7 хонаи дигар қисман вайрон шудааст. Инчунин, 162 манзили дигар қисман хароб гаштаву иншоотҳои ёрирасон, оғилу деворҳо чаппагардон ва заминҳои наздиҳавлигӣ зери лойқаву санг мондаанд. Як пули нақлиётгард дар рустои Ҳанатарош низ бар асари сел чаппа гашта, даҳҳо километр роҳи мошингард зери лойқа мондааст.
40 сар ҳайвони калони шохдор, 25 сар моли майда ва 10 оилаи занбури асал ҳам тӯъмаи сел гаштаанд ва наздик ба 90 гектар замини кишти ғаллаву 15 гектар замини кишти картошка ба пуррагӣ зери лою санг мондааст.

Дар ноҳияи Шурообод бошад, дар ҷамоати Дашти Ҷам 2 хонаи истиқоматӣ қисман хароб гардида, 9 сар гов, 11 сар моли майда ва 16 гектар заминҳои кишт аз пайи сел вайрону валангор гаштаанд. Дар шаҳри Кӯлоб ба 76 манзили зист сел даромада, иншооти ёрирасон ва деворҳоро чаппа кардааст. Бахусус истиқоматкунандагони кӯчаҳои Хати роҳ, Корвонгузар, Куйбишев, Фрунзе, Содиқов, Фирдавсӣ, Ҷомӣ ва Сино аз сел зиёдтар хисорот бардоштаанд.

Нӯралӣ, як сокини кӯчаи Куйбишев мегӯяд, шом сел ба хонаашон ворид шуд ва танҳо саҳари рӯзи дигар намояндагони ҳукумати шаҳр ба аҳволпурсияшон омаданд: «Ба раиси шаҳр Абдуғаффор Раҳмонов гуфтам, ки ба хона даромада, аз вазъияти ба сарамон омада, аз наздик шинос шавад. Аммо раис бо сабаби ҳама ҷо пур аз лойқа будан, хоҳиши даромадан накард. Гуфтам, раис шумо танҳо барои даромадан ҷуръат намекунед, бигӯед ки ману фарзандҳои хурдсолам чӣ гуна дар он даромада зиндагӣ кунем?

Раҳмонов бо ситеза гуфт, ки чаро дар самти селгузар хона сохтаед? Ҳол он, ки хонаи ман дар шафати роҳи мошингард ҳасту садҳо метр аз селпартов дур. Масъулини ҳукумати шаҳрро зарур аст, то селпартовҳоро сари вақт тоза кунанду ситам болои сокинон набошад».  
Рамазон Неъматов, сардори кумитаи ҳолатҳои фавқуллодаи вилояти Хатлон дар гурӯҳи шаҳру навоҳии Кӯлоб мегӯяд, вазъ дар ноҳияи Восеъ нисбатан оромтар буд. Ҳарчанд дар рустои Гулшанобод ва Дашти дилӣ селоба ба ҳавлиҳои 74 хонаи истиқоматӣ даромада бошад ҳам, аммо зарари ҷиддие ворид накардааст.

Аслиддин Достиев
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)