Русский  >>  فارسی  >>  Ҷумъа 9 декабр 2016, 05:00

«Имзои паймони стратегӣ ба маънои боқӣ мондани Амрико дар Афғонистон аст»

4 май 2012, 05:38

Акрам Саҳгул, таҳлилгари масоили дифоии Покистон, имзои паймони стратегӣ миёни Афғонистон ва Амрикоро нишонаи тасмим барои ҳузури Амрико дар Афғонистон пас аз соли 2014 медонад.

Бино ба гузориши хабаргузории Форс Афғонистон ва Амрико шаби гузашта паймони стратегӣ барои аз байн бурдани терроризм ва ифротгарои дар Афғонистон ва тақвияти ҳамкориҳоро ба имзо расонданд. Тавофуқи Амрико ва Афғонистон бар сари ин паймон бозтоби густурдае дар миёни аҳзоб, гурӯҳҳо ва давлатҳои минтақа дошта аст.

Акрам Саҳгул, таҳлилгари масоили дифоии Покистон дар гуфугӯ бо хабарнигори хабаргузори Форс дар Лоҳур гуфт: «Ҳадафи Амрико аз имзои ин паймон маҳкам кардани ҷойгоҳи худ пас аз соли 2014 дар Афғонистон мебошад».
Саҳгул изҳор дошт, ки Амрико дар паи он аст, то бидуни вобастагӣ битавонад дар Афғонистон ба ҳузури худ идома диҳад, зеро ба ин натича расида, ки Покистон мудофиаи хубе барои манофеи Амрико дар мантақа нест. Вай муътақид аст, ки ҳамзамон бо ин ки Амрико барои эҷоди робита бо Покистон талош мекунад, дар Афғонистон низ дар паи ин мавзӯъ аст, то ҷои худро барои бақо дар ин кишвар, мустаҳкам кунад ва ба кишварҳои дигар боқӣ мондани худ дар минтақаро эълом кунад.

Таҳлилгари масоили дифоии Покистон мефзояд: «Покистон бар ин тасаввур аст, ки Амрико дар минтақа намемонад, аммо далелҳо баёнгар аз он аст, ки Амрико қасд дорад то соли 2024 дар минтақа ҳузури иттилоотӣ дошта бошад».
Акрам Саҳгул эътиқод дорад, ки Амрико танҳо то соли 2014 ба фикри робита бо Покистон аст ва пас аз ин Вашингтон дигар ниёзе ба барқарории робита бо Исломобод надорад. Вай гуфт агар ба ҳамкорӣ бо Амрико тан надиҳад мумкин аст аз суй Вашингтон дар инзиво қарор гирад.

Таҳлилгар масоили дифоии Покистон афзуд, ки дар баҳси барқарории муҷаддади равобит бо Амрико ин танҳо парлумон нест, ки тасмим мегирад, балки ниҳодҳо ва унсурҳои дигаре вуҷуд доранд, ки ба ин баҳс таъсир мегузоранд: «Покистон бояд ба диққат оқибатҳои барқарорӣ ё адами барқарории робита бо Амрикоро бисанҷад ва пас аз он тасмими дуруст дар ин замина бигирад».


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!