Русский  >>  فارسی  >>  Ҷумъа 9 декабр 2016, 10:43

Радиои «Ватан» нӯҳсола шуд

7 май 2012, 05:56

«Ватан» радиои иттилотӣ-мусиқӣ буда, 70%-и мусиқиҳо бо забони тоҷикӣ пахш мешавад. Ҳамчунин, таронаҳои русӣ ва англисиро низ аз тариқи ин радио шунидан мумкин аст. Ин радио ҳамарӯза 10-12 барномаи мустақим дорад. Танҳо теъдоди ками барномаҳои он такрор пахш мегардад.

7-уми май ба унвони Рӯзи радио таҷлил мешавад. Дар ҳамин санаи соли 1895 Александор Попов, донишманди рус аввалин дастгоҳи радиоро ихтироъ намуд, ки баъдан онро ба сифати Рӯзи радио ва кормандони алоқа пазируфтанд. Дар Тоҷикистон ҳам аз ин сана ҷашн мегиранд. Барои радиои хусусии «Ватан» имрӯз  якбора ду ид аст. Ин шабакаи радиоӣ нӯҳ сол қабл маҳз дар ҳамин рӯз аввалин гуфторҳои худро пешниҳоди шунаванда кард. «Ватан» аз нахустин радиоҳои мустақили Тоҷикистон аст, ки шабонарӯзӣ фаъолият мекард. Ин радио ҳамчунин барои шикастани қолабҳои мавҷуд дар барномасозӣ, ки аз Шӯравӣ ба мерос монда буд, маъруф аст.

Субҳон Ҷалилов, директори барномаҳои радиои «Ватан» ба Озодагон гуфт: «Радио Ватан 7-уми майи соли 2003-юм ба фаъолият шурӯъ кард. Дар ин давра бояд радиоҳои хусусӣ ҳам дар қатори радиоҳои ҳукуматӣ пайдо мешуданд ва он пешниҳоде, ки аз ҷониби дигар радиоҳо буд, аз тарафи радиоҳои хусусӣ шиката шуд. Дар натиҷа як услуби хоса, фарқкунандаи пешниҳоди барномаҳо ва як услуби хоси барномасозӣ пайдо шуд».
Ба гуфтаи Субҳон Ҷалилов ширкати телевизион ва радиои «Ватан» аз нахустин ширкатҳое буд, ки барномаҳои ҳунарии овозхонҳои хориҷиро дар Тоҷикистон созмон дод: «Дар чанд соли фаъолият тавонистанистем чанд лоиҳаеро пешниҳоду амалӣ намоем. Аз ҷумла «Офиси беҳтарини сол, «Ситораҳои асри нав». «Ситораҳои асри нав» чанд чеҳраи навро барои кишвар муаррифӣ кард, масалан Тахмина Ниёзова ва Зайнура Пулодова. Озмуни «50 нафари хушуслуб дар Душанбе» аз дигар лоиҳаҳои радиои «Ватан» аст».

«Ватан» радиои иттилотӣ-мусиқӣ буда, 70%-и мусиқиҳо бо забони тоҷикӣ пахш мешавад. Ҳамчунин, таронаҳои русӣ ва англисиро низ аз тариқи ин радио шунидан мумкин аст. Ин радио ҳамарӯза 10-12 барномаи мустақим дорад. Танҳо теъдоди ками барномаҳои он такрор пахш мегардад.
Дар робита ба ҷашни нӯҳсолагии радиои «Ватан» давоми рӯз марафон мегузарад. «Дар кӯчаҳо ба одамон тақвимҳои радиои «Ватан» тақсим мешавад. Ҳамчунин, ба онҳое, ки ба саволҳои соддаву осони мо ҷавоб мегӯянд, «радиоприёмник» тӯҳфа мекунем. Дар эфир ҳам барнома ва бахшҳои ҷолиб тулии рӯз шунавонда мешавад»,-афзуд  Субҳон Ҷалилов.

Гуфтанист, радиои «Ватан» феълан рӯи мавҷҳои кӯтоҳ дар Душанбе, навоҳии наздик ба пойтахт ва шаҳри Қӯрғонтеппа қобили шунидан аст. Директори барномаҳои радиои «Ватан» мегӯяд, ояндаи наздик нақша ҳаст, ки дар дигар минтақа ва навоҳии кишвар низ пахши барномаҳои радиоро фаъол намоянд. Ҳамчунин дар назар аст, дар дигар минтақаҳо бунгоҳҳои хабарнигорони махсуси «Ватан» таъсис шавад. Ба хотири ҷашни радио қарор аст, китобе ба нашр расад, ки маводи истифодашуда дар барномаи «Субҳи Ватан»-ро гирд овардааст.

Алишер Зарифӣ


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!