Русский  >>  فارسی  >>  Ҷумъа 9 декабр 2016, 05:02

Исроил хостори мудохилаи низомии ҷомеаи байналмилал барои барандозии низоми Асад шуд

12 июн 2012, 04:30

Дар ҳоле ки гузоришҳо аз интиқоли маҳмулаҳои таслиҳотӣ аз тариқи Курдистон ба Ироқ ба мухолифони сурӣ хабар медиҳанд, муовини Натаняҳу бо муттаҳам кардани Димишқ ба наслкушӣ, хостори мудохилаи низомии ҷомеаи  байналмилалӣ дар Сурия шуд.

Хабаргузории Форс навишта, ки Шоул Муфоз, муовини Бенямин Натаняҳу, нахуствазири Исроил дар мусоҳибаи худ бо радиои артиши Исроил, дар сарзанише ғайри мунтазира аз ҳамсояи яҳудиён, давлати Башор Асад, раисҷумҳури Сурияро ба наслкушӣ дар ҷарёни  нооромиҳои 15 моҳаи Димишқ муттаҳам кард ва дархости Тел Авив дар бораи мудохилаи низомии байналмилалиро монанд ба он чӣ соли гузашта дар Либӣ иттифоқ афтод дар Сурия ҷиҳати сарнагун кардани Асад аз қудрат такрор кард.

Муовини Натаняҳу илова бар ин дар идомаи иддаоҳои зидди сурии худ, Русияро ба таҷҳизи Дамишқ муттаҳам кард ва бидуни ишора ба талоши гурӯҳҳои террористии таҳти ҳимояти молӣ ва таҷҳизотии Ғарб дар Сурия барои эҷоди нооромӣ дар ин кишвар ва куштору ҷиноёти зидди башарии онҳо, ки ба номи артиши Сурия амалӣ мекунанд, мудаъи шуд: «Он чи имрӯз дар Сурия иттифоқ меафтад, ҷурм ва ҷиноят алайҳи башарият ва наслкушӣ аст ва сукути қудратҳои ҷаҳонӣ дар баробари ин ҷиноятҳо дар тазод бо мантиқи башарӣ аст»,-изҳор дошт Шоул Муфоз.

Муовини нахуствазири Исроил ҳамчунин бо ин иддао, ки қудратҳои хориҷӣ ба ҷои ин ки барои барандозии Асад аз қудрат мудохила кунанд, танҳо ба маҳкумияти заифи ин низом басанда мекунанд, афзуд, ки  бадтар аз ҳама рафтори Русия аст: «Русия бо нотавонӣ ва заъф, қатли ом дар Сурияро маҳкум мекунад ва ин дар ҳолест, ки ин кишвар ба таҷҳизонидани низоми Асад идома медиҳад. Дар беҳтарин ҳолат ин амр нишондаҳандаи бемасъулиятии Русия ва дар бадтарин ҳолат, нишондиҳандаи шарикии ин кишвар бо куштор дар Дамишқ аст».

Дар идомаи ин хабар омада аст, ки Русия ба унвони яке аз муттаҳидони дерини Сурия, бо ҳар гуна мудохилаи низомии хориҷӣ алайҳи Дамишқ мухолифат карда ва дар айни ҳол ҳимоят аз давлати Сурия ва ё мухолифони ин кишвар ва ё таъмини таслиҳоти онҳоро рад кардааст. Русия дар ин байн эълом карда,  дар шароите, ки канорагирии Асад аз қудрат натиҷаи як раванди ҷомеи сиёсӣ дар миёни мардуми Сурия бошад, аз ин иддея истиқбол хоҳад кард.

Муфоз ба унвони фармондеҳи собиқи Исроил ва як чеҳраи миёнарави сиёсӣ, ки моҳи гузашта ба давлати эътилофӣ ва муҳофизакори Натаняҳу пайваст, дар идомаи мусоҳиба бо радиои артиши Исроил бо ишора ба ин ки гузинаҳои Исроил дар қиболи Сурия маҳдуд ҳастанд, эълом кард, Исроил маҷбур аст барои иқдоми байналмилал дар мавриди Сурия, ба лоббӣ кардан ва бакоргирии нуфуз бипардозад.

Муовини Натаняҳу дар ин робита гуфт: «Мо ба кӯмак талабидан аз Ғарб ва ин ки садои мо шунида шавад, ниёз дорем. Куштор дар Сурия дар фосилаи на чандон дуре аз марзи Исроил сурат мегирад, мо наметавонем ба хотири далелҳои ғайри қобили дарк, дар ин кушторҳо дахлдор бошем, аммо ман фикр мекунам ба нафъ Ғарб аст, ки таҳти раҳбароии Амрико ба ҳифозат аз остонае бипардозад, ки монеъ аз вуқуи наслкушӣ дар Сурия шавад».

Зимнан, Дани Оёлон, муовини вазири умури хориҷаи Исроил низ дар мусоҳибаи ҷудогона бо радиои Исроил, аз омодагии режими Тел Авив барои кӯмак ба мардуми Сурия ҷиҳати паноҳандагӣ ба Урдун ва кишварҳои дигаре, ки бо ҷомеаи яҳуд робита доранд, хабар дод.
Ин навъ жестҳои башардӯстонаи Исроил дар қиболи таҳаввулот ва нооромиҳои Сурия дар шароите матраҳ мешаванд, ки манобеи огоҳ эълом карданд, ки ҷангандаҳои исроилӣ ба дур аз назари умумӣ чандин маҳмула аслиҳаро ба Курдистони Ироқ мунтақил карданд ва ин силоҳҳо қарор аст дар ниҳоят ба Сурия минтақил шаванд ва ин иқдом бо маблағгузории давлати Қатар анҷом гирифта аст.

Аз сӯи дигар бархе иттилооти ироашуда нишон медиҳад, ки 400 узви Ал-Қоида пас аз сипарӣ кардани омӯзишҳои вижа зери назари Вашингтон дар яке аз кишварҳои аврупоӣ, аз тариқи Ироқ ба Сурия мунтақил шудаанд. Нерӯҳои амниятии Сурия низ ахиран чандин анбори аслиҳа ва маводи мунфаҷира кашф ва шиносоӣ карданд, ки аз сӯи террористҳо мавриди истифода қарор мегирифт.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!