Русский  >>  فارسی  >>  Шанбе 3 декабр 2016, 03:19

Нахуствазири ҷадиди Миср.Технократ ва чеҳраи ноошно

28 июл 2012, 06:29

Муҳамад Мурсӣ, президенти Миср чанд рӯз қабл Ҳишом Қандилро ба унвони нахуствазири ҷадиди кишвар эълом кард.

Ба навиштаи хабаргузории Форс Ҳишом хатмкардаи риштаи муҳандисии обёрӣ ва заҳкашӣ аст ва ба ғайр аз вазири манобеи обӣ, дар давлат пас аз инқилоби Миср, мақоми қобили таваҷҷӯҳе надошта аст.
Маврид ба тазаккур аст, ки Ҳишом Қандилро дар ибтидо ва пеш аз ҳар чиз бояд ба унвони вазири манобеи обии Миср муаррифӣ кард, ки дар давлат пас аз инқилоби 25 январи Миср ва ба таври мушаххас аз 12 июли 2011  то чанд рӯзи пеш машғул ба кор буд.
Ҳишом Қандил пеш аз интихобот ба мақоми нахуствазири Миср ва пас аз хатми таҳсил дар соли 1984, дар риштаи обёрӣ ва заҳкашӣ низ дар ин вазоратхона машғул ба фаъолият буд.

Қандил дипломи коршиносии худ дар риштаи муҳандисиро дар соли 1984 аз Миср гирифт ва санади коршиносии аршади худро дар соли 1988 дар риштаи обёрӣ ва заҳкашӣ аз донишгоҳи Ютои иёлати Каролинои ҷанубии Амрико ва ҳамчунин шаҳодатномаи доктории худ дар ҳамин риштаро дар соли 1993 аз донишгоҳи Нурси ҳамин иёлат дарёфт кард. Пас аз он Қандил ба маркази таҳқиқоти миллии оби Миср узв шуд, то соли 2002  ба дараҷаи устодӣ дар ин маркази таҳқиқотӣ даст ёбад ва дар соли 1995 низ муваффақ шуд, нишони дараҷаи дуи миллиро ба даст оварад.
Тайи солҳои 1999 то соли 2005 ба унвони мудири дафтари манобеи обӣ ва заҳкашӣ дар доираи оби Нил машғул ба кор буд ва дар нишастҳои кишварҳои ҳавзаи руди Нил ба унвони намояндаи Миср мушорикат дошт.

Вай ҳамчунин дар таъсиси маҷлиси Африқойии об мушорикат дошт ва дар бисёре аз нишастҳо ва гирдиҳамоиҳои кишварҳои Африқоӣ дар бораи манобеи обӣ ва рушд ва тавсиаи ин манобеъ дар кишварҳои мухталифи Африқо, ҳузур дошт.
Қандил мақомҳои зиёдеро низ дар тӯли ин муддат ишғол кард, ки аз ҷумлаи онҳо узвият дар банки тавсиаи Африқо буд ва тарҳҳои обии бисёреро дар бисёре аз кишварҳои африқоӣ, монанди  Эфиопия, Судон, Тонзониё, Замбиё, Мозамбик ва Моловӣ ба иҷро гузошта аст.
Қандилро бояд аз ҷумлаи техкнократҳои Миср хонд, ки гуфта шуда на қабл аз инқилоб ва на баъд аз он ба ҳеч ҷарёни сиёсӣ ҳамроҳ набуда ва дар он узвият надошта аст.

Манбаъ: Хабаргузории Форс



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!