Русский  >>  فارسی  >>  Шанбе 3 декабр 2016, 07:28

Аҳамияти роҳбурдии Сурия барои ҷумҳурии исломии Эрон

18 сентябр 2012, 12:00

Ҷумҳурии арабии Сурия ба далели қидмати таърихӣ, мавқеияти геопoлитикӣ ва собиқаи тамaддунӣ ва фарҳангӣ, кишвар бо аҳамият аст; ба гунае, ки Димишқ пойтахти он, ба даврони таърих ва аз кӯҳантарин шаҳрҳои ҷаҳон ва тамаддунҳои башарӣ, маъруф аст.

Ҳаракатҳои  созмонёфтаи моҳҳои гузашта дар Сурия, ки дар ҳафтаи гузашта ба бӯҳрон табдил шудааст, агарчӣ бо нақшофарании ҷабҳаи мухолифон ба сурати майдонӣ дунбол мешавад, аммо ба далели ин ки бо созмондеҳии Амрико ва режими саҳюнистӣ, ҳимояти бархе кишварҳои ғарбӣ, ба вижа Арабистони саъудӣ ва иқдомоти Туркия сурат мегирад, ба таври қатъ ва яқин метавон гуфт, ҳадафе фаротар аз масоили милии Сурия дорад ва масъалае минтақаӣ ва ҳатто мухолифате фароминтақаӣ қаламдод мешавад.

Дар гузориши хабаргузории Форс аз ҷумла омадааст, ки ҳадафи аслии ин бӯҳронсозӣ, бархӯрд бо ҷабҳаи муқовимати исломӣ ва ба сурати хос, маҳори Ҷумҳурии исломӣ ва контроли бедории исломӣ дар минтақаи ғарби Осиё ва шимоли Африқо аст, зеро иттиҳоди Сурия бо Ҷумҳурии исломӣ ба унвони конуни илҳомбахши ҷабҳаи муқовимат алйҳи  низоми султа , режими саҳюнистӣ ва давлатҳои зидди мардумии минтақа, бештарин осебҳоро мутаваҷҷеҳи ин секунҷаи шум мекунад.

Ҷараёни султаи байналмилал бо меҳварияти Амрико ва саҳюнизми байналмилал, ки дар чеҳраи режими ғосиби саҳюнистӣ дар минтақаи ҳасcоси ғарби Осиё манофeи ғайриқонунии худро дунбол мекунад, бо баҳрагирӣ аз хонaдонҳо ва ҳoкимони вобаста бар кишварҳои ғарбӣ, пас аз пирӯзии инқилоби исломӣ ва муваффақиятҳои пай дар пайи низомии бархоста аз он, яъне Ҷумҳурии исломӣ дар Эрон дар тӯли беш аз се даҳа, ки имруза мунҷар ба шаклгирии ҷaбҳаи муқовимати исломии ифтихор офарин дар минтақа шуда ва ин минтақаи муқовимат, заминасози шаклгирӣ ва инсиҷоми бедории исломӣ гардидааст, ҳамвора талош кардааст, ба ҳар шакли мумкин ба муқобила бо он бипардозад, ки ҷанги 33 рӯзаи режими саҳюнистӣ бо “Ҳизбулоҳи Лубнон”, ҷанги 22 рӯзаи он режим бо мардуми Ғазза ва бӯҳронофаринӣ дар Сурия, ҳалқаҳое аз ин амалиёти занҷираи алйҳи муқовимати мардумӣ- исломӣ, қаламдод мешавад.

Сурия илова бар аҳамияти роҳбурдии умумӣ, ба далели ҷойгоҳаш дар ҷабҳаи муқовимат ва иртибот ва иттиҳод бо Ҷумҳурии исломӣ дар муҳосиботи минтақаӣ ва ҷаҳонӣ, аҳамияти музоъаф пайдо карда, ки воковӣ ва шарҳу баёни ин аҳамият, ба вижа барои Ҷумҳурии исломӣ, зарурӣ аст. Ҷумҳурии арабии Сурия ба далели қидмати таърихӣ, мавқеияти геопoлитикӣ ва собиқаи тамaддунӣ ва фарҳангӣ, кишвар бо аҳамият аст; ба гунае, ки Димишқ пойтахти он, ба даврони таърих ва аз кӯҳантарин шаҳрҳои ҷаҳон ва тамаддунҳои башарӣ, маъруф аст. Агарчи ин аҳамият дар асри 20 ба далeли ҳамҷаворӣ бо Фаластин ва наҳваи руёруӣ бо ғосибони ин сарзамини муқаддас, яъне режими саҳюнистӣ, зиёд шуда, аммо пайванди Сурия бо Ҷумҳурии исломӣ ва иттиҳоди ин ду кишвар, муъодилаи вижеро дар ҳавзаи роҳбурдӣ ба тасвир кашидааст. Дар як нигоҳи куллӣ аҳамияти нақши роҳбурдии Сурия дар меҳварҳои зер хулоса мешавад:

1)    Сурия, ки дар қисмати Осиёи ғарбӣ воқеъ шуда, маҳалли иртибот ва пайванди 3 қора: Осиё, Аврупо ва Африқо аст.

2) Ин кишвар бахши боаҳамияте аз минтақаи геопoлитикӣ ва геостротегии ғарби Осиё аст.

3) Ҳамсоягии Сурия бо Фаластини ишғолӣ, Лубнон, Туркия ва Ироқ ба унвони бахшҳои муҳими геопoлитикии минтақа, аз аҳамияти зиёде бархурдор аст.

4) Сурия танҳо кишвари арабӣ аст, ки муносиботи мустақили минтақаӣ ва байналмилалӣ дорад.

5) Ин кишвар  дар интиқоли нафт ва гази Ироқ ва Эрон ба Аврупо мавқеяти вижае дорад.

6) Ин кишвар дар муъодилоти сиёсии Лубнон таъсир гузор аст.

7) Давлати Сурия аз «Ҳизбуллоҳи Лубнон» дар муқобили режими саҳюнистӣ ҳимоят мекунад.

8) Сурия бо Ҷумҳурии исломӣ ва муқовиматҳои исломӣ дар минтақа, ҳамгароӣ ва ҳамсудӣ дорад.

Бар ин асос аз, як сӯ давлати Сурия мавриди ғазаби секунҷаи низоми султа ва режими саҳюнистӣ, давлатҳои ғайримардумии кишварҳои минтақа ва ҷараёнҳои фиребхӯрда ва ё олати дасти бегонагон, қарор гирифта ва аз сӯи дигар, ҳимояти меҳвари муқовимат ва ба сурати хос, Ҷумҳурии исломӣ, амре табиъӣ аст ва дар авзоъи кунунӣ, ки ҷанги иродаҳо дар ду ҷабҳаи низоми султа, истикбор ва диктаторӣ бо ҳаракати муқовимати мардумӣ- исломӣ дар ҷараён аст, Сурия ба унвони ҳалқае аз занҷири муқовимат мавриди таҳоҷум қарор гирифтааст.

Манбаъ: Хабаргузории Форс       


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!