Маҷалаи маъруфи «Q»-и чопи Бритониё барандаҳои ҷоизаи мусиқавияшро эълон кард.
22-юми октябр дар Лондон расми тақдими ҷоизаҳои мусиқии маҷаллаи «Q» сурат пазируфт. Сегонаи «Muse» дар номгӯи «Беҳтарин гурӯҳи муосир» мақоми аввалро касб намуд. «Muse», гурӯҳи рок аст, ки соли 1994 дар шаҳри Тинмути Бритониёи Кабир таъсис ёфтааст. Аъзои он Мэттю Беллами, Крис Уолстенхолм ва Доминик Ховард мебошанд. Дар давоми фаъолият «Muse» нуҳ албоми таронаҳоро ба бозор баровардааст, ки дар маҷмӯъ бо теъдоди 15 миллион нусха ба фурӯш рафтаанд. «Muse» дар гузашта ҷоизаҳои маъруфи мусиқӣ, аз қабили MTV Europ Music Awards, Q Awards, NME Awards, Brit Awards, Kerrang Awards ва Gremmyро ба худ ихтисос додааст.
Барои «Muse» ин шашумин ҷоизаи Q Awards ба ҳисоб меравад: Солҳои 2003 (Барои навоварӣ), 2004, 2006, 2007 (Беҳтарин ҳунарнамоии мустақим) ва 2009 (Беҳтарин гурӯҳи муосир).
Аъзои гурӯҳи «Django Django» бошад, «Беҳтарин овозхонҳои навроҳ» эътироф шуданд. Ҷоизаи «Беҳтарин албом» насиби маҷмӯаи таронаҳои Бобби Уомака бо номи «The Bravest Man In The Universe» гардид.
Гурӯҳи «Blur» барои консерти моҳи августаш ҷоизаи «Беҳтарин ҳунарнамоӣ»-ро ба худ ихтисос дод.
Ҷоизаҳои мусиқии маҷаллаи «Q» соли 1990 таъсис ёфта, ҳамасола тақдим мегардад.
Мӯҳр