Русский  >>  فارسی  >>  Шанбе 3 декабр 2016, 20:40

Дониши сиёсии ҷавонони Суғд дар сатҳи паст қарор дорад

19 феврал 2013, 13:45

Парлумони ҷавонони Тоҷикистон (ПҶТ) дар Кохи матбуот мизи мудаввар ташкил намуд, ки дар он вакилони парлумони мазкур аз шаҳри Душанбе ва намояндагони аҳзоби сиёсӣ иштирок намуданд.

Мавзӯи асосии мизи мудаввар «Иштироки фаъолонаи ҷавонон дар ҳаёти сиёсии кишвар» буд. Чун соли ҷорӣ маъракаи сиёсии интихоботи президентӣ дар пеш аст, вакилони парлумони ҷавонон дар вилояти Суғд дар байни донишҷӯёни макотиби олӣ пурсиш гузарониданд. Вакили парлумони ҷавонон Фаррух Ахмедов мегӯяд: «Мо дар байни 127 нафар донишҷӯён пурсиш гузаронидем. Пас аз пурсиши афкор маълум гардид, сатҳи дониши сиёсии ҷавонон дар сатҳи хеле паст қарор дорад. Ҳатто баъзеяшон дар чанд сол як маротиба интихоботи раисҷумҳур дар кишвар баргузор мешавад, намедонанд».

Номбурда афзуд, онҳо нақша доранд, дар донишгоҳҳо ҷаласаҳои фаҳмондадиҳӣ ташкил кунанд. Маврид ба ёдоварист, Парлумони ҷавонони Тоҷикистон 24 – уми майи соли 2010- ум аз ҷониби Ташкилоти ҷамъиятии «Мо ва ҷомеаи шаҳрвандӣ» ташкил гардидааст.

Алъон парлумони мазкур 63 вакил дорад, ки аз он 25 нафарашон аз шаҳри Душанбе, 14 нафарашон аз вилояти Суғд, 11 вакил аз вилояти Хатлон, 8 нафар аз ВМКБ ва 5 аъзои дигарашон аз ноҳияҳои тобеи мамлакат мебошанд. Вакилони парлумон дар соле ду мародиби дар шаҳри Душанбе вохӯрӣ мегузаронанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!