Тибқи қавонини амалкунанда номбурда бояд ваколати вакилияшро пеш аз мӯҳлат дар асоси қарори Маҷлиси намояндагон мамлакат қатъ намояд. Абдуманнон Додоев, роҳбари дастгоҳи Комиссияи марказии итихобот ва раъйпурсии ҷумҳурӣ мегӯяд, дар асоси моддаи 57-и Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» дар сурати пеш аз мӯҳлат қатъ гардидани ваколати вакили Маҷлиси намояндагон дар муҳлати се моҳи баъд аз қатъ гардидани ваколати вакил дар ҳавзаи иинтихоботӣ интихоботи миёнадавраӣ гузаронида мешавад.
-Аз ин рӯ, агар Маҷлиси намояндагон 27 феврал дар бораи пеш аз мӯҳлат қатъ гардидани ваколати вакили Маҷлиси намояндагон қарори марбута қабул намояд, то 27 май тибқи қарори Комиссияи марказии интихобот ва раъйпурсии ҷумҳурӣ дар ҳавзаи интихоботии Восеъ №39 интихоботи миёнадаврӣ таъйин мешавад,-афзуд Дадоев.
Ёдрас менамоем, Рустам Латипов дар палатаи поёнии парлумони кишвар намоянда аз Ҳизби аграрӣ буд, ҳамзамон ӯ раисии Комиссияи муваққатии экологияро дар МН ба зимма дошт.
Мӯҳр