Русский  >>  فارسی  >>  Чоршанбе 7 декабр 2016, 17:31

Коршинос: Дар Тоҷикистон коррупсия таъмини адолати иҷтимоиро халалдор намудааст

21 феврал 2013, 08:21

Шокирҷон Ҳакимов, ҳуқуқшинос ва муовини раиси Ҳизби умумимиллии сотсиал-демократи Тоҷикистон мегӯяд, дар Тоҷикистон адолати иҷтимоӣ вуҷуд надорад. Ба қавли вай аксарияти мардуми қобилияти меҳнатидошта ҳуқуқҳои конститутсионии худро дар хориҷи кишвар амалӣ намуда истодаанд: “Музди меҳнат талаботи ҳадди ақали шаҳрвандонро қонеъ карда наметавонад. Сатҳ ва сифати зиндагӣ ниҳоят паст буда, нобаробари миёни табақаҳои гуногуни мардум зиёдтар шуда истодааст. Ислоҳоти иқтисодии кишварро самарабахш гуфтан мумкин нест. На ҳамаи мардум вобаста ба қобилияту истеъдодашон дар ҷомеа мақоми шоиста доранд. Коррупсия таъмини адолати иҷтимоиро халалдор карда истодааст”.

Шокирҷон Ҳакимов афзуд, барои таъмини адолати иҷтимоӣ бояд дар ҳукумат дигаргуниҳои сохтторӣ суратгирифта, барои шаҳрвандон дар дохили кишвар шароити мусоид фароҳам шавад. Камтар кардани сатҳи муносибатҳои коррупсионӣ ва аз нав қабул кардани кодекси андоз аз дигар роҳҳоеанд, ки ба қавли ҳуқуқшинос ба таъмини адолати иҷтимоӣ замина мешавад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!