Шаҳрванди Туркияро дар марги зани пиёдагард гумонбар медонанд. Тавре аз ВКД ба Озодагон иттилоъ доданд, ронандаи автомашинаи тамғаи номаълум ҳангоми ҳаракат бо роҳи автомобилгарди Чанноқ-Хуҷанд-Душанбе дар километри 310-уми ноҳияи Бобоҷон Ғафуров, бехатарии ҳаракати роҳро таъмин накарда, пиёдагард Роза Бадгудиноваи 56 сола, сокини шаҳри Хуҷандро пахш кардааст. Дар натиҷа Роза Бадгудинова аз ҷароҳати вазнини ҷисмонӣ дар ҷойи ҳодиса ба ҳалокат расида, ронанда маҳалли ҳодисаро тарк мекунад.
“Ҳангоми гузаронидани чораҳои фаврӣ-ҷустуҷӯӣ дар ҳудуди шаҳри Қайроққум ронандаи автомашинаи боркаши тамғаи «ДАФ-ТЕ 95ХР», шаҳрванди ҷумҳурии Туркия Айдоган Бедран Меҳмеди 43 сола, сокини шаҳри Мардин, ронандаи ширкати «Чейлан-Транспорт»-и Қирғизистон, ҳамчун гумонбар дар сониҳаи нақлиётии марговар боздошт шудааст. Ҳоло тафтишоти ҳодиса идома дорад”,-афзуд манбаъ.
Мӯҳр