Русский  >>  فارسی  >>  Шанбе 3 декабр 2016, 05:21

Савганди донишҷӯ: Агар сари чанбарак шинам...

22 феврал 2013, 10:51

Донишҷӯёни Туркманистон минбаъд, савганд ёд мекунанд, ки то хатми муассисаи таълимӣ сари чанбарак намешинанд ва ба нақлиёте, ки донишҷӯи дигар идора мекунад, савор намешаванд.

Хабаргузориҳои Туркманистон дар мавриди матн ва маросими савгандёдкунии донишҷӯён хабар медиҳанд, ки донишҷӯ баъди зикри ному насаб ва соли таълимаш ваъда медиҳад, то замоне, ки донишҷӯ аст, сарфи назар вақти таълим аст ё истироҳат, сари чанбараки мошин намешинад. Дар матни савганд омадааст, ки “агар ман ин савганди худро шиканам, розиям аз муассисаи таълимӣ хориҷ шавам ва ба касе дар ин робита шикояте нахоҳам бурд”.

Масъулини Туркманистон мегӯянд, садамаҳои нақлиётӣ бо иштироки донишҷӯён дар ин кишвар майли афзоиш доранд ва ин иқдом барои пешгирӣ аз фоҷиаҳои навбатӣ равона шудааст.

Соли 2009 мақомоти туркман бо мошин ба дарс омадани донишҷӯёнро мамнӯъ карда буд. Аз моҳи ноябри соли 2011 мудирияти донишгоҳҳо аз муҳассилин забонхат мегирифт, ки дар айёми таътил ба идораи мошин машғул нахоҳанд шуд. Айни ҳол амалан идораи мошин за тарафи донишҷӯён дар Туркманистон мамнуъ гардид.

Дар ҳамин ҳол донишҷӯёни туркман, ки дар навоҳӣ ва атрофи шаҳр иқомат доранд, ин иқдоми мақомотро мушкилзо арзёбӣ кардаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!