Русский  >>  فارسی  >>  Панҷшанбе 8 декабр 2016, 21:05

Райиси вилоят гуфт, Артиши Тоҷикистон аз Шӯравӣ мерос нагирифтааст

22 феврал 2013, 10:56

Театри мусиқӣ-мазҳакавии ба номи Камоли Хуҷандӣ мизбони маросиме бахшида ба 20-умин солгарди таъсиси Қувваҳои мусаллаҳи Тоҷикистон шуд.

Дар ин маросим хизматчиёни ҳарбии ҷузъу томҳои Вазорати мудофиа, Сарраёсати қӯшунҳои сарҳадии Кумитаи давлатии амнияти миллии Тоҷикистон, Қушунҳои дохилии Вазорати корҳои дохилӣ, Гвардияи миллӣ, Вазорати ҳолатҳои фавқулодда ва мудофиаи граждании мустақар дар вилояти Суғд, собиқадорон, роҳбарони мақомоти интизомии вилоят ҳузур доштанд.

Қоҳир Расулзода, раиси вилояти Суғд зимни суханронӣ артишро сипари мамлакат, кафили амният ва зиндагии осоиштаи мардум ном бурд. «Ҳарчанд Артиши миллии Тоҷикистон аз артиши абарқудрати Шӯравӣ ягон мерос нагирифта бошад ҳам, дар давоми 20 соли гузашта, чун зодаи истиқлолият дар шароити хеле ҳассоси пойдоршавии давлати мустақил санҷиши ҷиддиро паси сар намуда, ташаккул ва обутоб ёфт»,-изҳор дошт раиси вилоят.

Дар ҷамъомади тантанавӣ Қоҳир Расулзода ба иддае аз афсарону сарбозон ва собиқадорони Қувваҳои мусаллаҳи кишвар тӯҳфаҳои хотиравии мақомоти иҷроияи ҳокимияти давлатии вилоятро супорид.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!