Русский  >>  فارسی  >>  Ҷумъа 9 декабр 2016, 16:35

Бонки Ҷаҳонӣ 40%-и хароҷоти CASA-1000-ро ба уҳда гирифт

23 феврал 2013, 11:26

Бонки Ҷаҳонӣ гуфтааст, 40 дарсади хароҷоти хатти интиқоли барқи CASA-1000-ро ба уҳда мегирад.

Дар ин бора ба хабарнигорон Айбек Калиев, муовини вазири энержӣ ва саноати Қирғизистон, рӯзи 22-юми феврал хабар дода ва илова намудааст, ки 20 дарсади дигарро Бонки Исломии Рушд маблағгузорӣ хоҳад кард. Ба қавли ӯ, ҷузъиёти маблағгузорӣ ва таъмини амнияти ин хат, моҳи март, зимни мулоқоти вазирони энержии Тоҷикистон, Қирғизистон, Афғонистон ва Покистон баррасӣ хоҳад шуд. Ҷаноби Калиев афзудааст, "агар масъалаи маблағгузорӣ ҳал шавад, бунёди хат соли 2014 оғоз меёбад."

CASA-1000, ки барои интиқоли барқ аз Тоҷикистону Қирғизистон ба Афғонистону Покистон ба масофаи 1300 километр тарҳрезӣ шудааст, наздики як миллиард доллари амрикоӣ арзиш дошта, яке аз мушкилоти татбиқи он, таъмини амнияташ дар ҳудуди Афғонистон арзёбӣ мешавад. Муовини вазири энержӣ ва саноати Қирғизистон низ иқрор кардааст, ки таъмини амнияти ин хат дар ҳудуди Афғонистон омӯзиши ҷиддӣ мехоҳад ва ба гуфтаи ӯ дар минбаъда барои баррасии ин масъала ҷалби Русия низ дар назар аст. Афғонистон барои таъмини амнияти ин хат кирояи дастаи мудофеонро пешниҳод кардааст.

Дар мавриди нархгузориҳои нерӯи барқ, ки тавассути CASA-1000 интиқол дода мешавад, муовини вазири энержии Қирғизистон изҳор доштааст, ки айни ҳол ин масъала матраҳ аст ва аз ҷониби ниҳодҳои дахлдори тоҷику қирғиз мавриди баррасӣ қарор дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!