Русский  >>  فارسی  >>  Шанбе 3 декабр 2016, 00:45

Бурди “Равшан” ва бохти “Регар” дар бозиҳои санҷишӣ

26 феврал 2013, 10:31

Ду дастаи сермухлистарини Тоҷикистон, “Равшан” ва “Регар – ТадАЗ», ки барои мусобиқаи интихобии Ҷоми AFC-2013 омодагӣ мебинанд, бозиҳои санҷишӣ гузаронданд.

Дирӯз 25-уми феврал, бозигарони дастаи “Равшан”-и Кӯлоб дар доираи омодагиҳо мусобиқаи интихобии Ҷоми AFC-2013 дар варзишгоҳи “20-солагии Истиқлолияти Тоҷикистон» бо футболбозони бошгоҳи “Хуҷанд” бозии санҷишӣ анҷом дода бо ҳисоби 3:0 ғолиб шуданд. Дақиқаи 38-уми сабқат Нуъмон Ҳакимов ҳамлагари дастаи “Равшан” тӯбро бо сар вориди дарвозаи ҳариф намуда ҳисобро боз кард. Абдусамад Ҳоҷибоев бозигари дигари даста дақиқаи 59-уми дидор голи дуюмро ба ҳадаф расонд. Дар дақиқаи 80-уми Индус Ҳусейнзода як голи дигар зад.

Бозии нахустини дастаи “Равшан” дар мусобиқаи интихобии Ҷоми AFC-2013 дар гурӯҳи “D” бо тими “Ал-Рамза”, 6-уми март дар шаҳри Хуҷанд, дар варзишгоҳи “20-солагии Истиқлолияти Тоҷикистон», баргузор мешавад.

Қаҳрамони ҳафтдафъаинаи Тоҷикистон оид ба футбол, дастаи «Регар-ТадАЗ»-и Турсунзода, ки феълан барои бозиҳои Ҷоми АFC дар шаҳри Анталияи ҷумҳурии Туркия омодагӣ мебинад, дирӯз дар бозии санҷишӣ аз бошгоҳи лигаи олии Украина, дастаи “Арсенал”-и Киев бо ҳисоби 0 : 1 шикаст хурд. Голи ягонаи сабқатро Леван Гулордава, легионер грузинягӣ, дар дақиқаи 10-уми нимаи аввали дидор ба ҳадаф расонд.

Футболбозони «Регар-ТадАЗ» дар давраҳои омодагӣ дар шаҳри Анталия 28-уми феврал бо дастаи «Балтика»-и Калининград аз дивизиони аввали Русия бозӣ мекунанд. Даста барои ширкат дар нахустин бозии мусобиқаи гурӯҳии Ҷоми АFC бо тими «Сафо»-и Бейрут ба Лубнон сафар мекунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!