Русский  >>  فارسی  >>  Якшанбе 4 декабр 2016, 00:38

Дастури ҳукумат барои таъминоти бештари мардум бо барқ

26 феврал 2013, 12:43

Ширкати “Барқи тоҷик” мегӯяд, бо дастури ҳукумати Тоҷикистон, сар аз 25 –уми феврал таъминоти мардуми навоҳӣ бо барқ ба 12 соат дар як шабонарӯз расонда шудааст.

Нозирҷон Ёдгорӣ, сухангӯи ширкати “Барқи тоҷик”, рӯзи 26 –уми феврал, дар суҳбат бо хабаргузории “Озодагон” гуфт, “бо назардошти шароити мусоиди истеҳсол ва интиқоли барқ дар кишвар ҳукумат дастур додааст, ки мардуми навоҳӣ дар як шабонарӯз на камтар аз 12 соат бо барқ таъмин гарданд. Акнун ба муштариён аз соати 05:00 то соати 11-и рӯз ва аз соати 17 то 23-и шаб барқ дода мешавад.”

Ин дар ҳолест, ки охирҳои моҳи феврали соли гузашта ҳам ширкати “Барқи тоҷик” маҳдудияти рӯзонаи барқро дар кишвар барҳам дода буд, вале бо фарорасии сардӣ дар арафаи баҳор кишварро буҳрони барқ фаро гирифт. Имсол ҳам обуҳавошиносон, рӯзҳои охири моҳи феврал дар Тоҷикистон сардиҳо ва боришоти барфро пешгӯӣ мекунанд. Аммо Нозирҷон Ёдгорӣ мегӯяд, сардиҳо дар арафаи баҳор, ки соли гузашта Тоҷикистонро ба буҳрони шадиди барқ мубтало кард, имсол таъминоти мардум бо нерӯро коҳиш нахоҳад дод, “зеро дар “Барқи тоҷик” мутахассисони варзида кор мекунанд ва ҳамаи ин омилҳоро ба назар гирифтаанд.”

Дар мавриди санаи лағви пурраи лимит дар Тоҷикистон Ёдгорӣ таъкид кард, ки бо назардошти носозгориҳои табиат ҳанӯз дақиқ нест. Ӯ афзуд, ки “Барқи тоҷик” ният дорад, таъминоти муштариёнро бо барқ зина ба зина зиёд намуда, лимитро нисбат ба солҳои пеш барқ барвақттар бартараф кунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!