Русский  >>  فارسی  >>  Сешанбе 6 декабр 2016, 07:51

Шоири халқии Тоҷикистон аз дунё даргузашт

4 июл 2011, 07:34

Имрӯз дар деҳаи Хидоркези ноҳияи Роштқалъа маросими видоъ бо шоири халқии Тоҷикистон Ширин Бунёд баргузор мешавад.



Бино ба иттилоъи раёсати фарҳанги ҳукумати вилояти Бадахшон адиб шоми гузашта, дар синни 70-солагӣ дар манзили зисташ аз дунё даргузаштааст.
Хушқадам Қурбонмаҳмадов (номи аслии шоир), соли 1941 дар ноҳияи Роштқалъа ба дунё омада, айёми тифлӣ ва наврасиашро дар ин ҷо пушти сар кардааст. Соли 1963 факултаи филологияи донишгоҳро ба итмом расонида, пайваста бо матбуоти даврии вақт ҳамкорӣ дошт. Пас аз хатми муассисаи таълимоти олӣ дар театри мусиқӣ-мазҳакавии вилоятӣ ба симмати муовини директор ифои вазифа кардааст. Аз соли 1976 ба кори рӯзноманигорӣ гузашта, мудирии шӯъбаи маориф ва маданияти рӯзномаи «Бадахшони советӣ»-ро ба зимма дошт. Ширин Бунёд аъзои Иттифоқи Нависандагони Тоҷикистон буда, солҳои тӯлонӣ раисии бахши ин иттиҳодияро дар Бадахшон бар дӯш дошт. Маҳз бо ибтикори марҳум дар вилоят «Маҳфили адибони Бадахшон» таъсис ёфта, зери сарпарастии шахсии ӯ беш аз 40 адиби навроҳ тарбия гирифта, ба зинаҳои баланди эҷодӣ расидаанд.
Маврид ба ёдоварист, Ширин Бунёд муаллифи асару китобҳое аз қабили "Бомдод", "Зартеғ", "Шоҳи Тирандоз", "Шерозаи Ваҳдат", "Об, замин ва одамон" ва "Поси хотир" аст. {jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!