Русский  >>  فارسی  >>  Якшанбе 4 декабр 2016, 02:50

Ифтитоҳи парванда барои латукӯби сухангӯи Хадамоти гумрук

28 феврал 2013, 09:42

Мақомоти пулис аз рӯи ҳодисаи ҳамла ба Абдураҳими Умариён, сухангӯи Хадамоти гумруки Тоҷикистон, парвандаи ҷиноӣ боз кардааст.

Маҳмадулло Асадуллоев, сухангӯи Вазорати умури дохилии Тоҷикистон, дар суҳбат бо хабаргузории “Озодагон” гуфт, ҳамла ва латукӯби Абдураҳими Умариён бегоҳи рӯзи 27 –уми феврал рух дода, кормандони пулис баъд аз боздид аз ҷойи ҳодиса ба таҳқиқи он шуруъ кардаанд. Ба гуфтаи Асаддулоев, айни ҳол гумонбаре дар ин ҳодиса боздошт нашудааст.

Худи Умариён, мегӯяд, шаби 27-уми феврал дар назди бозори маҳаллаи 103-юми пойтахт аз сӯи 4 нафари ношинос мавриди латукӯб қарор гирифтааст. Ӯ афзуд, дар натиҷаи зарбу лат аз ҳуш рафтааст ва вақте ба худ меояд, аз як роҳгузар хоҳиш мекунад, ки ба Вазорати корҳои дохилӣ занг занад. Ба гуфтаи ҷабрдида, кормандони милиса пас аз огоҳӣ фавран дар ҷои ҳодиса ҳозир шуда, дар интиқолаш ба беморхонаи Қарияи Боло кӯмак намудаанд.

Ӯ дар суҳбат бо “Озодагон” афзуд, баъд аз ташхиси табибон аз беморхона мураххас шуда, айни ҳол берун аз шаҳри Душанбе қарор дорад.

Ҷаноби Умаров чанд соли охир аст, ки дар дафтари матбуоти Хадамоти гумруки Тоҷикистон кор мекунад ва борҳо дар бораи вазъи гумрукчиён ва қочоқи сӯзишворӣ дар марз гузориш додааст. Вай то омаданаш ба Хадамоти гумрук дар дафтари матбуоти Вазорати умури дохилӣ кор кардааст.

Ин ҳодисаи нахустини латукӯби хабарнигорон дар Тоҷикистон нест. Аз ин пеш, Ҳикматулло Сайфуллозода, сардабири нашрияи “Наҷот” ва Далер Шарифов, раҳбари ҳаракати “Қадам ба қадам” ҳам мавриди ҳамлаи афроди ношинос қарор гирифта, аммо омилони латукӯби онҳо то ҳол ошкор нашудаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!